要同大家講聲唔好意思,咁耐都未打完呢個TRIP 今日又再黎補補飛先 今日我地先介紹呢個旅程中位於山上既溫泉 佢已經踏入左阿蘇既山頭 所以如果行程中有要去阿蘇同九重既話不妨係呢到留宿一晚 呢到個英文名叫RESONATE CLUB KUJU 大家先黎睇下個門口先 呢到既房係以單棟既形式出租既 所以每間房都好大架 另外佢地個停車場好大 唔洗擔心話揸左車黎無位泊 事不宜遲 CHECKIN好,拎到鎖匙 沿住走廊 就行到我房既門口 佢呢到個房係有兩層門既 我相信一來係可以保暖,二來係可以隔音既 係未入去之前我以為唔係好大 點知原來係間好鬼大既房黎,去相 唔單止得兩張床,仲有個好大既廳 近D再睇下 左手邊係一個沖涼房,比怕醜既大家係房入面浸浴既 係床既對面係有個梳妝位 旁邊仲有個洗手間 呢間房有兩樣野令我覺得呢到好貼心同SURPRISED 第一,就係冬天既時候,每間房都會提供大褸 而且,件JACKET仲要係及膝,真係著住佢,成個人都暖曬 其次就係酒店有提供咖啡豆比客人自己磨同沖 唔識既你都唔洗擔心,佢地仲有張MENU比你跟住做架 講左間房咁耐,我諗大家都餓架啦 我地去食個晚餐先 一般溫泉酒店都係得和式晚餐揀 但呢間酒店居然有西式FINE DINING 所以我地就決定一試啦 以下呢到就係我地食晚餐既地方啦 真係超有FEEL的=) 美美的SETTING令我地更期待呢個晚餐 睇下有咩食先 率先到既係麵包同埋三文魚前菜 麵包係可以免費加添的,喜歡既不妨食多個=) 再黎就係湯 再跟住落黎就係主菜啦 我地先食比較清既海鮮先 再落黎就係比較濃味既牛肉 最後當然有個完美既甜品先可以劃上句號啦 唔好以為望落好少野 其實佢係勁飽同勁好食LO 呢間酒店仲有一個好出名既地方 就係佢地每日都會有個TOUR係食完飯之釉帶住客去睇星星 但好不幸,小編入住個一晚好大雨,所以TOUR,無LO 好SAD 但上天關左你個門,點都留番個窗比你既 就係第2日,小編我唔係好訓得著 所以早左起身,咁岩睇到好靚既雲海同日出 點擊圖片放大 暖暖既陽光打落我身上,好暖好舒服 睇完日出既我就即刻去浸番個溫泉,暖一暖身之後去食番個早餐 早餐既話就係自助餐既形式 大家鐘意食咩就去拎啦 有生果 和式 西式 粟米片同果汁 呢到又有早晨雪糕XDD 最後我拎左個好西式既早餐 食完野,見仲有D時間 又去左影下風景 點擊圖片放大 係時候要CHECK OUT去下個景點啦 臨走既時候 小編我見到門口有個郵筒 大家如果寫左POSTCARD不妨係呢到寄出去 睇下會唔會有特別既郵CHOP!!!! 酒店資料: 名稱:レゾネイトクラブくじゅう 地址: 〒 878-0202 大分県竹田市久住町大字有氏1773 電話: 0974-76-1223 網址: http://www.resonate.co.jp/ 多謝大家比心機睇完我既介紹 想番去睇下偽。本地人深度遊個總覽 可以 按此 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store