今次小編去左8日北九州，分別住左4間唔同既酒店 而其中一間既酒店，係特別有驚喜既 就係以下小編我即將介紹既高千穗索雷斯特酒店啦 呢間酒店位於高千穗神社既附近 如果大家係揸車去既話，用電話MAP可能未必MAP到 因為呢間酒店開左無半年 連MAPCODE都係差少少，最好用高千穗神社或者佢附近既コスモス黎做MAPPING 係最後再比多D資料大家 好，入正題啦 大家又黎睇下個門口先 其實佢對比起街外傳統既景色，佢係勁摩登，好靚 佢全棟得4層，所以房量其實唔係好多，有興趣既你地就要早D BOOK啦 經過個門口 入左門口既左邊，就係休息區 而右邊，就係食早餐同晚餐既地方 今次小編因為怕外面既餐廳收就好早，所以就加左2700YEN 食埋佢個晚餐 CHEKC IN完，我地首先睇下房卡套入面有D咩先 係右上既就係房卡 下面個層白色卡就係食早餐用既，一個人一張 面下層右邊啡色既卡就係晚餐用既卡 好啦，上房啦 一打開門就見到兩張好大既床係我地面前 唔知係唔係郊區呢，酒店房都大過人 最好既就係大家床頭都有一張小小既檯，比大家放下D零碎既野 再黎去睇下浴室，淋浴既地板有防滑既效果 大人細路都唔驚啦 再黎睇下廁所位 佢呢到又係浴室同廁所分開既 所以就唔洗驚一個霸住個廁所，第2個又無得用啦 E，咁個洗手盤又去左邊呢 就係係浴室既門口 大家可能會話，嘩，咁換衫咪比人睇曬LO 無遮無掩咁 其實呢，佢係走廊尾，即地氈前呢，係有個趟門 分開睡房同廁所既 真係好有智慧 係個洗手盤既隔離，仲有個MINI BAR比大家 又係有D茶呀咖啡咁 最後比大家睇下我窗外風景啦 睇完個房，我地就去睇下膳食啦 先黎個晚餐菜單先 佢地既SET係一個豚肉SHABU SHABU 好似吉野家咁 唔同既就係，佢仲有前菜，飯，麵豉湯同甜品 仲有刺身TIM 令我最有驚喜既係前菜入面既牛肉他他 從未試過生牛肉既我，一開始好驚有奇怪味 但食落真係好好味，好似食緊魚生咁 大讚 雖然望落呢一SET晚餐唔係好多 但其實都好夠飽架 食飽飽去訓教， 訓醒之後又有個早餐BUFFET等緊我 呢到既早餐係偏西式既 一般既腸呀，炒蛋呀，包呀，沙律都有得比大家揀既 點擊圖片放大 而和式方面就有燒魚呀，粥呀，飯同麵豉湯咁 大家要留言既就係拎餐既時候要小心D 因為佢個盤面好滑 D野會周圍走架 食完個早餐又係時候揸車出發啦 今次分享唔係好長，但希望大家鐘意啦 以下係酒店既資料: 名稱: ソレスト高千穂ホテル (Solest TakaichihoHotel) 地址: 〒882-1101 宮崎県西臼杵郡高千穂町三田井1227 電話: 0982-83-0001 官方網頁: http://www.solest-takachiho.jp/ 房型: TWIN ROOM 房價: 1368港幣/晚 GPS可用既電話: コスモス 0982-72-9722/ BEST電器店 0982-72-6006 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store
