小編諗番起上一次去大阪已經講緊係兩年前既事啦 今年難得生日出遊 所以決定係正日帶埋媽媽去溫泉旅館享受下 事不宜遲，出發啦 由於今次唔想媽媽要不停轉車，所以又係我做柴可夫既時候啦 先黎睇下旅館個停車場 可借用既車位都好多，唔洗擔心黎到無位泊 我地一落車就有個職員跑左出黎 幫我地拎個喼入大堂 你地無睇錯，佢係拎，唔係碌 一陣再解釋下點解佢係拎 我落車既時候，就睇到下圖個旅館外貌 係個木框到行入去，先見到真正既門口 一行入去，第一下既感覺係與世隔絕MODE 真係好靜，好靚 踏入LOBBY，我就知點解職員係要拎住個喼 原來旅館入面全部係以榻榻米舖地下 所以客人一入旅館既一刻就會幫佢地既行李個轆做清潔 仲有，大家係入住期間 你地既鞋係會由旅館幫你收好，係旅館既範圍係唔可以著鞋架 跟住就係去做CHECK IN啦 CHECK IN既同時會同你BOOK埋食飯既時間，分別有5:30PM同7:30PM 但7:30PM好多時都幾FULL下，所以都建議早少少黎CHECK IN左先再出去玩 好好彩我地可以BOOK到個7:30PM 而鎖匙都係用番原始既方法=) 之後職員就會邀請你去下圖既地方等等之後再同你做一下BRIEFING 詳盡既我就唔多講啦，都係介紹下有咩設施同埋係間房點去 比個地圖大家參考下啦 介紹完之後，職員就會帶大家去揀你地既浴衣 大家唔洗擔心肥人會唔會著唔落 因為佢地有種類似工衣既衫係去到XXL架 當然小童都有啦 揀好之後職員就會帶你上房，同埋介紹下房間入面既用品同設施 咁我都比大家睇下間房先 卧室 對住個海真係好正架 再行出去就係浸浴位，提番大家，房入面既個室溫泉係熱水黎架 但都仲有個海景頂住，OK啦 係浸浴位個邊行番入去 仲有個沖涼既位置架 房內有提供一籃子既用品比大家拎去大浴場個陣用架 入面有一大一細既毛巾，仲有個膠袋比你放污糟衫=) 繼續講埋個房入面既設施先 重要既一環當然又係廁所啦 一般既自動廁板，大家細心D既話可以見到廁所上方有個出水位 佢係比大家洗手架，洗完手既水就會儲黎沖廁 有人話日本用食水沖廁好浪費，但其實都只係想將D水再用 減少使用量姐 仲有就係小型BAR檯既位置 不得不提既就係房入面提供既小食同飲品 都係個句啦，佢地提供既野大堂係會有得賣，刺激下你地消費下 先黎溫泉饅頭同梅 一般旅館係唔會有梅架，但因為白濱同和歌山係出產梅既地方，所以點都比D你試下 仲有一人一支梅汁 雪凍左更正，酸酸地，夏天飲真係一流 終於睇完間房，係時候準備去食個靚飯XD 食飯既地方係位於大堂附近，即係一入門既右邊 係上得去之前，大家都要係樓下等下 上去之前就比大家望下個MENU先啦 上到去既時候，有職員會帶你去相應既位置坐低 而當晚同媽媽坐既係海景位，不過個日天氣唔多好，無咩景睇 以上就係一坐低既SETTING 上圖有兩個煮物小鍋，分別係活鮑魚 同埋壽喜燒牛肉 大家坐定左之後就要先揀左個主食 分別有冷/熱烏冬或者壽司或者吞拿魚飯 我就揀左要飯 圖一陣再上比大家 好，坐好左之後，職員就放低個前菜比你 再黎個靚靚刺身 再繼續係壽司同炸物 跟住黎左個奇怪海膽凍蛋 最後就係個吞拿魚飯啦 同埋個甜品 個晚餐都真係幾飽架，不過如果唔係好夠喉既話，大家可以係晚上10點到11點半去到LOBBY附近的休息區食番碗拉麵 而且唔會限一人一碗，但數量有限，派完即止咁樣LO 大家睇到有宵夜呢一幕係咪好似曾相識呢? 有入住過DORMY INN既你，就會知佢地好興派宵夜麵 而呢間海舟原來係佢地集團旗下既其中一間酒店 所以都有沿用番呢個傳統=) 因為小編我淨係影左個浴場門口 所以大家就睇住個門口睇我介紹下啦 入面分左男女浴場，同埋3個租用溫泉，仲有個混浴池 3個租用溫泉需要係入左上面個門口之後拎鎖匙再行出去 要提番大家，出去個條路都有D難行，所以要小心D 仲有一件事就係，建議大家係男女浴場先沖身，因為3個租用溫泉同混浴係無沖身既地方架 另外想講番個混浴，大家應該一聽到就驚左 但依家好文明，男士係有條布可以包住下身，而女士就會有條裙樣既有包住重要部位 所以唔洗擔心會被人睇全相 反而係上落個段樓梯比較甘，大家要量力而為呀 食完夜晚，浸左個靚浴，又到左第2朝食個早餐 係前一晚食完DINNER之後，職員會黎問你第2朝食和式定西式早餐架 我印象中個早餐好似由7點食到10點(唔SURE) 好啦，比大家睇下和洋分別先 先黎我至愛既和式 再黎就係西式 可以又對住個海食真係好正 除左以上既主食 仲有個小小BUFFET比大家食下其他野 點擊圖片放大 +2 講到呢到，我終於介紹完呢間海舟啦 希望幫到你地揀旅館啦 酒店資料: 名稱: 白浜温泉 浜千鳥の湯 海舟 地址: 〒649-2211 和歌山県西牟婁郡白浜町1698-1 電話: 0739-82-2220 房價: 大約HKD$2912 一晚 (2人入住) 網址: https://www.hotespa.net/hotels/kaisyu/ 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store
