大家又再番到黎酒店分享既時候 今次依然係北九州既分享,不過我地入番去市中心 呢一間酒店雖然位於天神南站附近,會比起住博多站無咁方便 但係佢附近都唔少百貨公司 最重要既係,佢附近係夜晚都有好多既屋台可以比大家揀 唔一定要去中洲個邊先食到 好,入正題啦 呢間酒店係CANDEO集團既其中一間酒店 呢個集團旗下既酒店都要差唔多成千一晚 但佢個空間感都真係幾OK 大家先睇下佢個樣 佢係無啦啦一條瘦長既樓….. 真係行過左都唔知= = 紅色牌個到並唔係入口 佢個入口係紅色同黃色牌中間有條路仔入去 下圖先係佢個門口呀 大家可能會問點入去 塊木個到就係自動門黎,行到埋去就會開 入到去仲有個門 而呢個門又係過左夜晚12點就要拍卡先入得去 所以大家如果玩得夜記得要拎鎖匙呀 去到酒店第1件事就當然係CHECK IN啦 佢地個FRONT DESK就係9樓既,食早餐都好似係呢層 一出電梯右邊就會見到RECEPTION 而左邊就係等候區 唔知大家有無番意到上圖右邊個好光既玻璃櫃呢00 櫃上面有一D日用品比大家拎黎用 所以大家CHECK IN完記得去睇下有咩需要啦 鎖匙我就唔記得左影比大家 咁佢條匙都幾得意 首先佢係要用匙去開門既 另外佢仲有一個CARD HOLDER既野係條匙到 CARD HOLDER就係比你搭電梯上房同入大門個陣用既 如果女性入住既話,酒店職員就會比張密碼紙你入澡堂 放埋入去就萬無一失啦 澡堂係位於頂樓既,而晚上10點到凌晨1點係比較多人用既 所以大家留意番時間先好上去 不過佢係開24既,所以都洗話太擔心 因為呢間酒店小編入住過兩次 所以可以介紹兩種房形比大家 雙人雙床房 - 好萊塢標準兩床房 (大約HKD$ 1255一晚) 佢既單人床比我想像中大架 唯一唔好既地方就係無咩位可以掛衫 大家要留意番 客房(大床) (大約HKD$ 768一晚) 話說小編我上次咁岩見到佢有減價,一晚QUEEN SIZE BED只係768蚊 就幫朋友們都BOOK左呢個房形,而自己就BOOK左個普通DOUBLE BED 點知 佢又UPGRADE左比我 超超超開心 你地諗下我一個人可以訓張咁大既床,係咪開心到飛起先 入住個兩晚叫埋另外4個朋友仔入黎玩都夠位 真係VERY NICE 以上既廁所都係一般嵌入式既廁所,所以我都無影比大家啦 最後要提提大家既係 如果係自駕過黎既話,記得盡早SEND EMAIL比酒店預約車位 佢得好似7個車位,勁少 每晚泊車費好似係1800YEN 酒店資料: 名稱: カンデオホテルズ福岡天神(Candeo Hotels Fukuoka Tenjin) 地址: 〒810-0004 福岡県福岡市中央区渡辺通5丁目14番5号 電話: 092-738-5600 網址: https://www.candeohotels.com/tenjin/ 多謝大家睇左咁耐我講廢話 想問多D既話歡迎用以下途徑搵我 Email: choitsz_wing@yahoo.com.hk Facebook: littlecongi分享地攤 Line: ck6057 Instagram: little_congi / congi_store