又係時候介紹第2款係日本租到既車比大家參考下啦 今次小編去既地方係岩曬一家大細既沖繩 同行既有3位長輩 識揸車既我當然係去做柴可夫啦 今次就揀左一部迷你既7人車 同上次一樣首先比D資料大家望下先 貸出日時：2017/12/14 11:30 返却日時：2017/12/18 14:00 取車地點：那覇空港店（空港送迎対応） 租車公司: Orix (經日文版Tabirai租既) 車種: 指定車型，Hybrid Freed 價錢: 25100YEN 大家如果去沖繩要留意番 大部分既租車公司接送都係要去番國內線個邊上SHUTTLE BUS 只有少數租車公司(OTS)係可以係國際線上SHUTTLE BUS 事不而遲，介紹車款啦 呢架車可能大家係香港都成日見到佢架啦 佢就係HONDA既FREED仔 正面 由於呢架係KEYLESS TO GO既車，所以連條匙都唔係傳統既鎖匙樣 大家睇到上圖應該仲會發現個掣仲可以控制埋左同右邊既電門 好勁架 提提大家先，沖繩唔似九州同北海道個D地方咁有TOLL PASS 即係唔會有咩HEP呀KEP咁 沖繩租車行高速係實報實銷的 可以揀租ETC卡，咁就唔洗成日搵錢俾 但係呢間沖繩既ORIX係唔提供ETC卡租借架 大家留意番呀 睇完個外殼就睇下個入面既座位 先黎司機位既SETTING 放大D個駄盤比大家再睇真D先 今次小編我超LUCKY 租到架好新既車，仲係有皮味個種 真係好正 仲有呢架7人車入後波既時候係有後鏡 所以泊車既時候就無咁難啦=) 跟住落就係要比大家睇下前後座既闊度啦 先黎前座 前座既空間都好多可以雜物既地方 仲有兩個位既中間係可以包包，超方便 再黎就係後座 大家望落個座位唔係好高 但坐落都幾唔錯，唔會話高既人就會坐得好辛苦 到最後就當然要睇埋最重要既車尾箱啦 大家都知四個人如果都帶25吋或以上的行李一般既車仔係放唔曬D行李 所以小編我今次租呢架有7人車既尾箱，但車長只係比一般車仔長少少既FREED 去圖啦 大家睇到左右兩邊升起左既就係最後排既位 圖中左邊既行李均為可手提上機既行李尺寸 而紫色既行李就係26吋 但買到第5日既時候 D行李已經去到同前座椅背成水平線 真係好誇張 4個鐘意買野既人其實揀呢架FREED都只係岩岩好 同埋呢架車同一般細車既價錢唔差得遠 仲要勁慳油，真係唔都唔得掂呀 今次既介紹就暫時黎到呢到先 如果有咩租車既問題都歡迎你地用下面途徑搵我啦 Facebook: littlecongi分享地攤 Line: ck6057 Instagram: little_congi / congi_store
