我岩岩又係鄉下番到黎現實啦 第一時間就當然要同大家推介下呢期有咩新既藥妝好試同好買啦 事不宜遲，黎啦喂 甩腳皮PACK (500YEN+稅) 佢係咩黎呢，佢就係小編近日我大愛既PRODUCT 係要黎整走D腳既死皮既 一包有一對，有唔同味比大家揀 用既時候打開佢，會有兩對襪樣既液體 剪開袋口套上腳仔到敷60分鐘左右就可以去洗腳 呢種MASK敷完唔會有即時既效果 第2日會覺得對腳好乾(咁就岩啦) 大約3-4日之後就開始慢慢甩D死皮出黎 有D大塊到可以成隻腳板甩左出黎，好爽皮XD 其實呢類MASK有好幾個牌子都有出 但我推介呢個比大家既原因係佢平得黎真係好有效 唔洗日日磨腳皮，佢一下幫你甩曬XD 2. 小顏MASK (2XX YEN + 稅) 係呀，我又SELL MASK比大家 睇開既都應該知我好鐘意係日本買MASK番香港用既 今次又見到新野(OS:唔係唔試下話) 今次呢個特別在佢係獨立包裝啦 仲有兩個鐵線位比大家調整MASK既外型 另一個位吸引我既係佢個帶位係以下圖個種 我真係超鐘意呢種帶，戴一日都唔會痛 100分架 3. 超立體MASK (2XX YEN + 稅) 呢個係回購又回購既口罩 都係7個裝，不過無獨立包裝 鐘意既原因之前有講過 就係佢唔會貼住個口同鼻，口水鼻涕唔會掂到自己 同埋佢又係我最LIKE既帶 MUST BUY ITEM 4. SHISEIDO藥用潤手霜 (3XX YEN + 稅) 唔好睇佢外形咁頹就以為佢唔係好野 其實佢係一款超正既HAND CREAM 大家有無見到橙色既珠珠 個D就係玻尿酸，即係補濕珠珠 呢款CREAM高度推介係冬天使用 唔單止搽手，搽埋身仲正 搽完佢唔會有好黏既感覺，身體好快吸收左 幫你既皮膚KEEP住24小時都滑同彈 5. NATURIE 薏仁潤膚膏 (777YEN + 稅) 相信大家都係香港既SASA都有見過佢 再次推介既原因係開始入冬，皮膚開始好乾 而且好似小編我鼻敏感咁嚴重既人 好想搽CREAM，但一搽又會鼻敏感 呢個CREAM，標著無香料同低刺激性，好似B5咁，水水的 一搽就吸曬，正 自從上次買左佢之後，不論冬夏天都有補濕用品=) 冬天我推介大家咁用 沖完涼先用NATURIE呢個保濕GEL 之後再上一層SHISEIDO(紅色個CREAM)先訓 咁第2朝起身就唔會有乾同拉住既感覺啦 BTW要提一提大家既係日本出左個山寨版既薏仁BRAND 叫唔知咩LABEL咁 大家買個陣要小心D 6. Saborino早晨 MASK (1330YEN + 稅) 可能大家對呢個MASK唔會好陌生，不過都介紹下先 佢係一種係朝早好趕時間用緊MASK黎 佢一盒有32張，一個月左右既份量 質地偏薄，但精華量好夠 只需要敷超過一分鐘就可以 敷上去既時候會覺得拮拮地，有用TONER既感覺 會令到個人好醒神XD 但持續一星期左右，就會FEEL唔到拮架啦 所以如果你係皮膚訓醒好乾既話，不妨試下呢個=) 一般會有上圖既兩個味(上:橙，牛油果，柑; 下:檸檬，西柚，青瓜) 但有聯營既舖頭就會出特別味，好似蜜糖蘋果咁 7. DHC 減脂丸+維他命B雜 (~1800YEN + 稅) B雜都出現過好多次啦，我都唔專登講啦 今次主力係想講下個消脂丸 到目前為止，小編我已經試左大約一星期 唔知真係WORK定心理因素 近呢幾日又真係去廁所去得好左DD 再睇番成份先見到原來佢有寒天，幾種維他命B，仲有其他纖維等等既成份 所以好似食左好多幫腸做消化既野咁 KEEP住有得去下廁所 我知佢唔係話真係好平，但我下一次再寫既時候 我會再講番比大家聽咩環境，值唔值得試=) 8. BIORE SKIN CARE洗面 (300YEN內 + 稅) 大家係香港都應該有見過 我第一次買既時候見到佢個質地同包裝 就以為係比青少年用既平野(無好野) 點知用落又無乾到拉扯面既感覺 所以去到日本見到平香港一半又入左1支 佢有好幾種功用，大家去到日本可以再睇下 9. ARGELAN 潤唇膏 (600YEN + 稅) 繼DHC超潤唇膏之後，呢個係好正既潤唇膏 其實佢有4款 包括上圖既大馬士革玫瑰，橙香，同PEPPER MINT之外 佢仲有一個無香料既VERSION 搽一次又係好耐都KEEP住水潤 不妨去買黎試下=) 10. VISEE 咬唇妝用唇膏 (1500YEN + 稅) VISEE係KOSE其下既品牌黎既 深信咬唇妝仲會興一段時間 所以佢地就出左呢款方便下大家 唇膏既外層係潤唇膏，而內層就係唔同色既唇膏 只要你好似平時用唇膏咁搽就可以打做出咬唇效果 由於我去個幾日好乾，所以都買左支黎試下 搽左上口，有色得黎又真係KEEP到幾耐下=) 今次分享就係咁多啦 希望可以快D出埋D酒店同租車介紹比大家啦 大家有問題想問既可以用以下途徑搵我架 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
