打呢篇文既時候都好猶豫要唔要出好 始終你的名字呢個熱潮好似已經過左 呢排係興刀劍神域既序列戰爭(小編我都係BIG FAN) 不過既然相都影左 點都分享下比大家啦 入正題啦 今次分享比大家既就係以下呢個景 有睇過呢套戲既話都應該知呢一幕係講瀧同三葉重遇既地方 其實呢套戲入面好多場景都係四谷到 所以去開東京既你不妨去聖地巡禮一下 去須賀神社其實可以係信濃町或宿四谷三丁目到落車行過去 今次我地就揀左係信濃町出發 小編我都係去到先係慢慢搵路去 真係嚇死寶寶XDD 好彩個地鐵站唔係好大 所以搵出口都唔係好難 出左閘轉右出去先 之後大家就會見到下面D建築物 咁之後當然就過馬路向右一直向前衝 繼續向前去，一直去 直到行到去見到呢間正覺寺既野 其實呢間寺隔離係一個小小既墓地 見到佢之後轉右入巷仔再繼續行 唔好擔心咁一直繼續行 我明白大家會擔心 因為條路真係無咩人會行 但係岩路架，唔好驚 行多兩三分鐘到就會開始見到D牌架啦 轉左呀 只好講一句真係一個人都無架 咩事先，好彩小編我唔係一個人去=) 終於又見到多一個牌 喂，到底到未….. 轉埋右邊上埋個樓梯終於見到想見既野== E咪住先，點解唔岩樣既 於是我地行入去再望望先 喔..原來我地係後門行左入去 我地先睇下神社入面既繪馬先 點擊圖片放大 大家所畫都好有你的名字既氣息 睇完繪馬，終於輪到個戲肉 就係相遇既個條長樓梯啦 登櫈=) 動畫同呢到真係差唔多係一樣 真係好佩服日本既插畫師可以畫得咁仔細 一場黎到既我地當然要好似瀧同三葉咁擺同一個POSE影番張靚相先 XDD 由於燈光既問題….影得唔係咁好 我建議大家唔好晨咁早就黎 D光線位唔係太好 唔經唔覺就係到影左個幾鐘 影到大家覺得餓既時候就走啦 正當我地行完樓梯望番轉頭既時候 原來樓梯底都係一個呃LIKE既靚景黎架 再一路行去四谷站既時候又見到D好野 連販賣機都有你的名字海報，真係好誇張 大家去開東京都記得要黎呢到回味一下你的名字既場景呀=) 多謝大家睇左咁耐我既廢話 神社資料: 名稱: 須賀神社 地址: 〒160-0018 東京都新宿区須賀町5番地 社務受付時間: 9:00 – 17:00 公式網頁: http://www.sugajinjya.org/ 想知多D問多D可以用下面途徑搵我啦: Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
