講左好耐話要出住宿文 搞到依家先有時間整理番D相 出到文俾大家 希望大家仲記得我上一轉係去左東京五日啦 咁上一團去呢連埋我自己就有四個人 因為本身佢地都唔係好認識對方 所以都想話搵間四人房 但係去過日本既你地都應該知 四人既酒店房有幾難搵架啦 所以最後我搵左以下呢Hostel 呢間Hostel 叫做考山歌舞伎旅館 考山呢個集團係日本都有好多分店 而我地今次就揀左位於淺草區既歌舞伎分館 佢距離地鐵站只係兩分鐘路程 超方便Lo 最後補充一句 我地今次係Book左四人私家房四晚 每人只需17100円 好啦,睇左咁多字 係時候有圖有真相 我地去圖啦 一黎到當然係睇門口啦 雖然門口唔係好大 但佢紅白相間既波波應該會好吸到你睛 同一般日本Hostel一樣啦 入門口係要除鞋既 除完鞋就當然去Check-in先啦 係Check-in既同時 職員會俾下圖個Instruction你 反轉就係呢附近既地圖 重要一提 四人私家房係會有免費毛巾同牙刷俾大家用架 但如果住Dorm既話就要俾錢架啦 留意下啦 Check-in完最重要既就當然係鎖匙啦 每個人都會有一條鎖匙 個牌其實有兩面,上圖個面就係講你住邊張床同用邊個locker 而另一面呢就係過左九點後要黎開大門既密碼 大家都見到鎖匙都有兩條 一條係開房門,一條係開locker門 好,到重點,睇床 今次呢個係兩張碌架床 個梯係可以活動既 每一張床都個獨立既燈,唔洗擔心個床位好暗啦 而房入面既空間都唔算細 但可惜既係唔可以四個喼一齊開 大家仲會見到床上已經有Liner 不過要自己整 唔識?唔緊要 只要睇住下圖就可以架啦 再黎睇下個Locker先 大家D鎖碎野都可以放住入去先 跟住再黎就係要同大家講 呢到個冷氣唔係中央架 而係有搖控俾大家調架 睇完房,就睇下其他配套啦 呢個四人房最好既地方就係都 廁所,洗手,沖涼三個地方係分開架 即係話,朝早起身排廁所都快d 去睇啦 先係沖涼房 門同沖涼既地方係有少少空間俾大家著衫抹身 提提你,佢呢個area係無鈎俾大家掛衫 所以要諗下點放衫 入到去,佢亦有有别其他酒店 佢只係得淋浴=) 好啦,之後再睇下廁所 三寶最後既係洗手盤 一般Size既女仔仲可以同時兩個人一齊用 順帶一提 個櫃下面係房入面既用品 好似廁紙同垃圾袋咁 嗯 房介紹完 到睇下Hostel都有既common area啦 呢邊係俾大家煮下飯仔食下野既 而另一面就比較日式既休息區 唔好以為佢地過左九點就無Reception 佢地會有一個夜班職員由九點到凌晨一點 為大家提供有限度既服務架 呀,其實佢仲有三部電腦俾大家用 不過我唔記得左影俾大家 係我Check out個陣 職員們有彩蛋送左俾我地 先係係Reception俾佢去影張相 然後佢地送左一份小禮物俾我地 超開心 反轉一睇原來係糖 仲要每人一粒Tim 好貼心 最開心見到既係以下個Thank you card 手寫既溫度 好Warm 我下次如果再係同朋友四個人黎都會再住 最後提提大家 行李係Check out左之後都可以寄存架 多謝大家睇左咁耐我講廢話 想問多D既話歡迎用以下途徑搵我 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643