大家一般去淺草都係會去好有名既雷門淺草寺 但原來除左淺草寺之外 成個淺草係七福神發源地 有七個神社比大家去參觀下 鐘意行神社既你地不妨跟住下面個地圖搵齊7福神啦 每一個神社都有一個福神 而今次要介紹比大家既係可以提高戀愛運既今戶神社 呢個神社據說話係招財貓既發源地 所以成個神社既裝飾都係以貓黎做主題既 雖然呢間神社唔係話好大好多野睇 但都係值得黎睇下既 事不宜遲 我地又黎睇下個門口先 門口有個牌真係有寫住佢係發源地架 好頂癮架 行入D就見到個掛繪馬的涼亭 本身諗住先去睇下係咪全部繪馬都係差唔多既願望 點知一行埋去 就見到個亭原來係洗手位 但可惜佢整緊 所以只好影個相就算 再轉個彎就會見到個正殿啦 行上去望下個入面啦 嘩，原來好有驚喜 入面全部都係貓貓招財XD 好得意架 殿既右邊仲有教你點樣拜拜架=) 拜完就當然要再去參觀下其他野啦 細心一睇原來連D草地都有放左好多貓貓既擺設 大細都有 最重要係佢地好多都係同一款貓貓黎架 真係好得意XDDD 小編我去神社最重要既其中一個目的 就當然係去寫番個到此一遊啦 係咩黎 就當然係御朱印啦 儲黎紀錄下自去左D咩神社 最後送比大家既係今戶神社既繪馬 以招財貓為主角 好得意架都 神社資料: 名稱: 今戶神社 地址: 東京都台東區今戶1丁目5-22 社務受付時間: 9:00 – 17:00 公式網頁: http://members2.jcom.home.ne.jp/imadojinja/T1.htm 希望大家鐘意呢個POST啦 有咩想問既歡迎用以下途徑搵我架=) Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
