又到左介紹平靚正既住宿比大家既時間啦 今次小編我BOOK左一間好正既HOSTEL 佢係今年2016年既5月先開架 我見佢係AGODA個評價都唔錯 於是就揀左佢啦 呢間HOSTEL個名叫做ENAKA 佢地個漢字係自己砌出黎既 佢地既目標係希望旅客去到佢地個HOSTEL到可以遇到唔同既人 分享大家唔同既經歷 呢間HOSTEL好就好在距離淺草個站3分鐘既路程 真係超級方便 事不宜遲 我地去睇HOSTEL環境啦=) 首先係個門口 毫不起眼係咪? 但正正就係佢簡樸既格調吸引到我 好啦 我地入去啦 (抱歉，張相係由入面影番出去) 入門口既右邊就會係RECEPTION 雖然細，但服務既人員每個人都好用心咁去幫我地旅客 佢地既英文都算係好好 同埋佢地既笑容真係好好 話就話RECEPTION收晚上11點 但當你係RECEPTION問有無人既時候 佢地都係會衝出黎幫手 十分之有家既感覺 CHECK左IN再望就會見到一張好長既檯坐落左係門既正中 呢個COMMON AREA帶比人平靜既感覺 好似去左一個當地人既屋企咁，有個圍爐比大家圍住傾下偈 就連半夜落到去食下野都覺得好放鬆 半夜想食又唔想行出去 佢呢到仲有幾部機比大家買下野 雪糕，熱食，飲品咩都有=) 我地係上去房之前 係要除左你對鞋既 咁除左之後又放係邊? 就係放係上面既櫃到 大家CHECK IN左之後會有條鎖匙連KEY CARD 對應番你訓個床位號碼，用條匙就可以開到個LOCKER 櫃入面有一對拖鞋，係比大家上樓用既 自己對鞋就放番入LOCKER到=) 上樓啦 每一層都仲有個門 大家就要用你既KEY CARD先入到你地個DORM 一入到去，好簡約，都幾大 我估唔到呢到都幾大 空間感唔錯 提提大家拎匙既時候 可以睇下個床位號碼 EG: 5203號 5代表5樓 2代表上層(1會係下層) -> 我會建議大家盡可能揀下層，因為上層真係好唔方便 如果大家想換上層OR下層 記得要同接待處既人REQUEST一下啦 繼續去參觀下我張床 上圖就係我張床啦 對比起一般既HOSTEL 佢一格既SIZE都幾大 左邊條毛巾係HOSTEL包埋既 大家每日都可以拎去RECEPTION用條新的 左邊既細板既其係一張檯仔 拉左落黎既SIZE都幾大 放到下電腦，寫下野咁 跟住再睇下床頭個櫃 右邊既櫃係要用你房卡條匙開既 所以個SECURITY都幾OK 再打開個入面比大家睇下 櫃的左邊有充電位同燈既開關 大家條鎖匙其實仲有個用途既 就係要黎LOCK住你地個行李 大家見唔到見到佢有條鐵鍊呀 鍊既頂會有個鎖 就係要用大家既鎖匙開 保障番旅客既行李=) 再去睇既就係大家都好關注既洗手間同沖涼既地方 先黎洗手間 廁格既數量係幾夠既 但係就得一個洗手既地方 地下唔會濕，大家超自律(可能我住既係女仔DORM好D) 再黎沖涼既浴室 都係好乾淨，地下一滴水都無 左邊會有兩間沖涼室 有時人多都可能要等一下 再睇下個沖涼既格 大家見到係分開左兩格既 門後先有一個換衫既空間 再入先係沐浴間 佢地有提供埋洗頭水，沐浴露同護髮素架 大家又可以帶少D野 要提提大家既係最好係1點前就去沖涼 唔好打攪到人地休息 以上就係一個正常DORM入面既介紹 跟住落黎就帶大家去睇下呢間HOSTEL既其他特別既地方啦 首先係位於6樓既另一個浴室 佢有咩特別 大家去睇下相先 XDDD有個兜既 呢個兜就係比旅客黎到一嚐下風呂既滋味 就要提大家既係佢盞燈係SENSOR黎 有時你入左個缸到之後 佢會熄你燈= = 小心1D係啦 再黎既就係天台啦 係6樓出左LIFT之後沿樓梯行上去就會到架啦 個天台係有開放時間既 由早上8點到晚上10點 仲有大家出去之前 要換番佢地提供既拖鞋先可以出去架 好啦，換好鞋仔就可以出去睇下咩環境啦 推開門就見到好靚既VIEW 雖然天氣唔多好 但係個VIEW係靚既=) 住宿資料: 名稱: ENAKA 淺草中央旅館 (ENAKA Asakusa Central Hostel) 地址: 東京都台東区浅草1-29-9 官方網頁: https://enaka-asakusa.com/ 價錢: 連稅大約200元港幣一晚 講到黎呢到 我個介紹又到左尾聲啦 希望你地鐘意呢間HOSTEL啦 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
