上星期同大家介紹左百萬葵園附屬既花之戀酒店 今個星期就到戲肉啦 就係某某旅行社推介既百萬葵園啦 如果係跟團既大家 係去葵園之前 記得係出酒店前既左邊搵服務台姐姐幫你印個豬仔印 豬仔印係無色既 入園既時候職員會用紫外光燈照=) 好啦，事不而遲 我地去參觀下呢個葵園啦 出左酒店大堂之後 轉右落樓梯就會見到呢個牌 跟住牌轉右行就會去到入口=) 入左園區之後，大家揀右邊條路一直行就可以去到各個區域 先比大家睇下個地圖有咩區域先 跟住我地就開始入園區行啦 其實佢地既走廊 大多都做得幾好既 好有去到國外的感覺 係呢D走廊既左右兩旁 會有D小路去花圃既 我走左份其中一條小路 噢=( 太陽花們都向地下了 咁係因為我去之前一星期都落雨 無太陽 所以太陽花都只可以向地下招手 但係某D花都影到靚相既=) 經過左一堆長廊 終於行到去一個有頂既遊樂區 不過第1眼望到既居然係以下呢張相 大家無睇錯…..係大形撈金魚 天呀 點解大陸人咁都做得出= = D魚真係好慘慘豬 由於無眼睇落去 於是再望下有咩其他野玩 再見到既就係正常D既巧克力共和國 入面係俾大家去試下整手工朱古力既 好似係20蚊一次 出番黎再去行下 就見到有個動物區 呢一邊係松鼠狗仔 訓練員好俾心機照顧佢地架 所以狗仔們都好聽話架=) 佢地亦有D岩岩出世既狗仔比大家同佢地影相 另外仲有豬仔同松鼠睇架 大家不妨去搵下 好啦，行左咁耐，天口咁熱 就當然要去涼下冷氣啦 有冷氣既地方主要係餐廳黎既 但入面都有好幾個影相位既 首先黎個假夢露 跟住再黎A貨LOVE像 仲有幾幅油畫比大家影下架 等大家無真花都有假花影下 不得不提既就係呢個假初音 雖然都好似幾像真 但行埋D就見到好假了…. 跳番出去，繼續去搵下所謂既花圃 今次搵到薰衣草(好似係) 都生得幾多 不過同我想像中都仲有好大出入 好多地方都只係得綠油油既草地 睇完草之後 小編我去左搵最想去睇下有幾A貨既動漫館 但入到去一睇 發現原來又唔係太有落差 一入去就見到好多1:1既人形 都幾真YA 其實館入面主力係DISPLAY FIGURE比大家睇既 我深信…..係真掛XDD 連鳴門同初音都係到WO 都唔錯YA 雖然真係好多假野XDD 最後不得不提既係每晚9點鐘既NIGHT SHOW 佢地用酒店外牆當畫布 投影自家製既短片 呢個真係唔可以錯過呀 呢到我諗帶小朋友黎真係玩到一日 但又唔好期望咁大 好啦 今次分享到呢到先 多謝收睇 景點資訊: 名稱: 百萬葵園 地址: 中國廣東省廣州市南沙區萬頃沙鎮298縣道新墾十五涌 網址: http://www.bwky.cn/ Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
