今次去東京 除左去住溫泉旅館 體驗下東京既HOSTEL之外 等到媽媽黎既時候 點都唔可以住得太差既 所以小編我今次就揀左一間係地鐵站對面既酒店比媽媽 順帶一提 今次入住既酒店係可以由成田機場直接搭利木津巴士到達既 呢一間酒店個名叫做赤坂東急卓越大酒店 呢張相就係我搭完地鐵一出個出口個陣影既 係個出口個到 仲要有間8層高既BIG CAMERA 如果有時諗唔到去邊行 呢間BIG CAMERA都不失為一個好選擇XD 講番房價先 由於頭一日我成團人係有4個既 所以呢我地就BOOK左兩間雙人兩床房既 一間房每晚係$1455 HKD 對於窮遊既大家，呢個價位真心有D貴既 但帶住父母既你地 就唯有比多少少啦 唔好以為係東京市中心既酒店就一定好細 如果比左1400蚊都係細既 就真係撼頭埋牆XD 不過好彩呢間房都有番咁上下 我地依家就黎睇下間房啦 嗯，床都比一般酒店既SINGLE BED大 而且仲有張SOFA 真係好大呀!!!! 再睇埋個走廊 都係真心闊落既 但其實呢 我主力想介紹比大家既唔係以上呢個房型 我想介紹比大家既 其實係抵住既3人房 如果3個人去既你地 又唔係好想住HOSTEL既 以下呢個TYPE就真係岩曬你啦 第2晚 由於小編我有個朋友已經離隊 所以我亦都由2人房轉左去3人房 XDDD 澄清先，以下呢間唔算係好正宗既3人房 而係雙人兩床房加多一張EXTRA BED 本身張加床就係同個張雙床垂直既 但係咁樣放既話D位真係好唔見洗 所以我地最後搬到佢咁既樣XD 咁就3個喼都開到啦 雖然房係細左 但係個價錢真係好吸引架 3人房一晚都只係$1480HKD 除番開一個人都只係$493 HKD 如果住HOSTEL係要300幾400蚊既話 不如加多少少住呢間好得多既酒店啦 又有私隱度，又唔洗驚同其他人SHARE浴室同廁所 我相信呢口價都好吸引3人行既你地既=) 酒店資料: 名稱: 赤坂東急卓越大酒店 (Akasaka Excel Hotel Tokyu) 地址: 2-14-3 Nagata-cho, Chiyoda-ku, 赤坂, 東京, 日本 100-0014 公式網址: http://www.akasaka-e.tokyuhotels.co.jp/ja/index.html 交通: METRO丸之內線赤坂見附站落車，10號出口出，一出就望到酒店 希望呢個POST幫到你地啦XDD THANKS FOR READING Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
