介紹完台北好正既おまかせ之後 望番轉頭原來小編我東京都未介紹完 睇住我個BLOG就梗係又係去搵好野食啦 今次帶大家黎到涉谷區 大家都應該知道 涉谷賣衫既舖店多就係人都知啦 其實呢一區都好多好野食 我去既時候又咁岩見到間新舖開張 於是就同媽媽去食下 睇下個門面先 呢間叫做POTA PASTA(ポタパスタ)既小店 佢地主打意粉 不過呢，佢地既意粉係自己做架 即係大家睇到個店名上面咁 係自家製生麵黎架 但係個價又唔太貴 可以一試 係未上去之前 大家可以係地下睇下佢係地下SET UP好既櫥窗 睇下岩唔岩食先行上去 如果睇岩左呢 大家就可以沿住隔離條樓梯上去 呢間舖有兩層既 大家記得要係第1層買左飛仔先好搵位坐呀 好似拉麵店咁 今次我地揀左究極CARBONARA同埋蟹肉蕃茄忌廉意粉 一陣就有得睇下係咩樣 提提大家 每一個意粉大概360-600YEN到 大家仲可以買多杯紅酒或者白酒配搭意粉架 一杯都係300YEN JA 最最最重要既 係想同唔識日文既你講既 如果你係唔識日文去食既話 記得要係地下個櫥窗到影底你想食咩 因為佢地係無英文MENU架!!!!! 餐廳入面其實都唔係好大 多數用吧檯 方便D上班一族自己黎食LUNCH 不過想35成群黎食都得既 係二樓都有1張4人檯既XDDD 所以好多人一齊去旅行既都唔係太SUGGEST呢一間XD 係每一個位到 都已經預先放好左餐具同濕紙巾比大家 咁野食一到就可以開餐啦 等左一陣 終於有野食啦 首先係我既究極CANBONARA 自家製既麵條比一般既粗 所以食落比較有口感 而佢個汁就好夠濃郁 同市面上貴價既西餐有得FIGHT呀 但係佢只係賣460YEN 真係抵到有D過份 再黎既就係媽媽叫既蕃茄忌廉蟹肉意粉 送黎既時候已經充滿滿既蟹味 一望之下居然有成半隻蟹咁多 真係無得頂呀 呢個只係賣緊560YEN 真係去邊到搵呀 雖然今次介紹比大家既係一間快餐 但係窮遊既你地有時都想食番D好野既 不妨將呢一間特色小店收入自己個LIST到YA 店舖資料: 名稱: POTA PASTA ポタ パスタ 渋谷店 地址: 東京都 渋谷区 道玄坂 2-6-7 2F 營業時間: 11:00～23:00 電話: 03-6416-3477 (+81-3-6416-3477) 希望大家鐘意呢個分享啦 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
