大家都知我之前去左東京入貨同浸溫泉啦 咁係買野既同時 我又係藥妝店發現到好野 所以想係呢到介紹下比大家 小編我買既藥妝多數係以平同實用為主 用完好既我都會KEEP住過日本買番黎用 好啦 事不而遲 開始啦 1. 100円膠布 價錢: 108円 每一次去日本最LIKE就係買膠布 又平又好用 仲要有好多唔同既款比大家揀 但呢一隻都算係又平又好用 2. DHC維他命B雜 ビタミンミックス 價錢: 約280-400円 小編我本身有好嚴重既鼻敏感 但一直都搵唔到好既藥 以前大概每3個月就要睇一次醫生 咁樣唔係辨法 上網開始搵，原來發現絰他命B係可以幫到鼻敏感 於是上年5月係日本買左第1包B雜試 每日訓前食兩粒 食到依家已經1年 我一次醫生都無再睇過 天呀 點解我咁遲先發現到咁好既野 所以我極力推薦比有鼻敏感既大家 3. DHC野菜MIX パーフェクト野菜 價錢: 約500-600円 食唔菜既大家可以考慮下佢 唔係太貴又幫到大家 只係40蚊港幣就補充到纖維 係食肉獸既你就岩晒 4. 太田胃片120粒裝 價錢: 約1000円 有胃痛既我係香港買左好多種胃藥都幫我唔到 就連香港既太田都唔得 佢呢種食左之後 D胃氣會好快散番出黎 即刻舒服晒XD 5. 便秘治療劑 ビューラック 價錢: 770円 呢個藥係比D好難去到廁所既朋友既 佢就建議訓前食兩粒 咁第2朝起身就可以好順暢咁去到廁所 我自己都試左 真係去得好暢快 50幾蚊就有200日既藥 都真係又好用又平 6. EVE A頭痛藥 イブA 價錢: 800円 呢個唔洗我多介紹啦 EVE A頭痛藥 不論M痛、頭痛、牙痛、關節痛 佢都OK 仲要好快有效 好過個D必理痛 7. EVE A頭痛藥(QUICK) 價錢: 約1200円 點解貴咁多? 佢個效用係勁好多 所以咪貴D LO 8. 液態膠布 價錢: 約1000円 有時生倒刺呀，比紙界到呀 大家咪痛到唔想洗手既 呢支液體膠布就幫到你啦 搽佢個刻係有D痛，咁係因為佢幫緊你消毒 搽完乾左之後 點洗手都無有怕啦 9. 鎮痛貼 ロイヒつぼ膏 價錢: 500-700円 不論係咩關節痛，腰痛 痴一粒去你痛既地方 第2日訓醒 咩腰酸骨痛都無晒 10. AF遮瑕筆 價錢: 2500円 呢個係貴既 而且我搵到好耐先搵到佢 一般既藥妝未必有 要搵到1D淨係賣化妝品既地方先有 佢係一支遮瑕筆 白色個邊係遮瑕 而金色個邊就係一個掃 等大家唔洗用自己隻手指補妝咁慘 仲有呀 如果你用完左支遮瑕，仲可以買補充裝換上去TIM 11. ロゼット卸妝洗面膏 メイクも落とせる 價錢: 4xx円 大家都可能有見過香港有正常個兩款買 呢一款係新架 正常個兩款唔係FOR大家落妝架 但呢個就可以幫大家落埋妝 係咪即刻方便左呢 12. ロゼット去角質洗面膏 ホワイトダイヤ 價錢: 5XX円 佢又有咩唔同呢 呢個洗面膏係可以去角質從而令大家塊面有咁滑得咁滑 嗯 介紹左一堆我愛用既平靚正既日本藥妝比大家 希望你地都會鐘意YA 今次係會有GIVE AWAY架 我準備左5小排既便秘治療劑 大家有興趣記得LIKE我FB同留COMMENT啦 下次 就會有台灣隱世小店介紹比大家架啦 留意啦 THANKS Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
