2016-04-23 [關東品川] 價比性高的青年旅館 – ArtnShelter 早幾日同大家介紹完箱根既平價旅館比大家 今日同大家又介紹多間好野 唔好見我成日都住靚野就覺得小編我淨係揀貴野住 其實我都係會住下D平野既 今次想介紹既係一間青年旅館 位於品川區既ArtnShelter (官方圖片) 佢係集GALLERY同HOSTEL於一身 LOBBY個到仲有個小型既BAR 比大家一齊坐低吹下水，飲下野咁 好啦 介紹下有D咩類型既床比大家先 MAIN Dorm (2樓) – 大概220HKD Mixed Dorm (1樓) – 大概229HKD Female Dorm (8人一房) – 大概229HKD Female Dorm(4人一房) – 大概229HKD **注意: MAIN同MIXED DORM都係男女混宿架，仲有所有入到DORM既人都會去呢兩個DORM，有大型行李既不太建議 由於我地係24:00先到羽田機場 所以CHECK IN既時候都已經1點 好彩老闆等埋我地 仲等CHECK IN完之後 親自講解個HOSTEL既設施 有行李既大家就可能會辛苦D 因為呢間HOSTEL係無電梯架 好彩個日有老闆幫我搬上去 上到1樓左邊會有個架 架上會有一堆LINER(床單，被袋，枕頭袋) 大家記得每樣要拎一張舖床呀 而架後面就分別有個廚房同廁所比入住客人用架=) 經過呢條咁長既走廊 终於見去到我個DORM 我地今次揀左8人既女生DORM 係入之前仲有道門架 個門鎖好先進架 要先放隻手係上面個鎖到 著左藍色燈再咇張匙卡先入到去 好勁 床大致分為上下兩格 每一格都有個簾 比大家有番D自己既私人空間=) 房既內外都有好多呢D LOCKER比大家用，好貴重既野不妨收入去，安心D 小編我揀左下格床 因為佢成層既間格同床都係用原木做 所以成夜都FEEL到陣陣好香既木味 其實佢個私人空間都好大 好過D膠囊酒店 每張床都會有一個插頭同一個衣架比大家用 唔洗擔心電話無電啦 你地睇下小編我伸長隻腳都仲有咁多位淨 就算腳長既朋友都無有怕啦 睇完張床就睇下其他設施啦 係一樓個洗手間出面有個小小既梳妝區 等各位姐妹唔洗逼係個廁所到執番D眼耳口鼻 廁所一共有3格 朝早起身都唔算洗等好多耐，OK的 另外，沖涼既房都做得好好 有一個換衫區同沖涼室 等大家沖既時候唔會整濕D衫 提提大家用完記得熄燈呀=) 呢一間HOSTEL大多係比羽田上落既人入住既 因為都幾近下 最後提番大家 CHECK OUT既時候記得 還番D LINER同埋 入番你地張卡去門口個BOX到呀 咁就可以走架啦=) HOSTEL資料: 名稱: 藝術旅館 (ARTnSHELTER) 地址: 1-19-10 Higashiooi, Shinagawa-ku, Tokyo, 品川, 東京, 日本 140-0011 公式網址: http://www.artnshelter.com/hostel.html 交通: 的士大約3000 – 5000YEN / 京急線鮫州站落車步行兩分鐘 希望呢個POST幫到大家啦 有問題可以由以下途徑聯絡我架 Facebook: littlecongi分享地攤 Line: ck6057 Instagram: little_congi / congi_store Whatsapp: 51831643
