小編我經過左兩個月 終於可以再飛番我鄉下 不過今次我唔係去大阪，而係去左東京玩番下 係去東京市區喪玩喪買之前 小編我決定同朋友先去箱根浸個靚溫泉 叉叉電先 我地首先係新宿買左箱根2DAY PASS 因為個PASS可以係箱根搭咩車都得 但當然啦，的士係唔包既 兩日既PASS承惠大家5140YEN 今次我要介紹俾大家既 就係係仙石原既品之木一之湯 先同大家介紹下我地既房 最後先再同大家講下點樣去 我地本身個BUDGET有限 大概2千蚊到 點知比我地搵到呢到一間有私人風呂既和室房 仲要有埋一泊兩食 而且只係1970蚊就可以入住 我地兩個D心心眼直頭飛曬出黎 好啦 話完個價錢比大家知 咁就帶大家睇下我地BOOK個房係點既樣啦 我地去到個門口就已經覺得呢間野住得過 CHECK IN攪掂好曬之後我地就行入我地間房 我地既房係地下個層 經過RECEPTION個門口之後一直行就係 一入到房，我地兩個淨係識得話 “呢2千蚊真係好抵” 和式既房，私人風呂，仲要有個我一直都好想試既日式被爐 WAAAA好正呀 我地再行埋D睇下 呢個被爐為左比外國人用，佢檯底係空心架 即係你唔洗盤腳或者脆坐，可以好似坐櫈咁=) 而係個被爐上面仲有茶同茶點比入住既人客享用架 真係好窩心 再行出D 睇下個風呂 左邊有個比大家沖涼既花灑 而右邊就係一人用既自私風呂黎 佢D水會KEEP住流動 戈弓而且好夠熱，完全可以抒緩疲勞 行番入房先 床我地係BOOK左和式，但都有床褥架，所以都幾舒服架 小編我講左咁耐，好似無講到廁所 其實房入面係有既 都係好先進XD 而洗手盆同大家要用既即棄用品都有提供架 講完房入面 就緊係帶大家去睇下一泊兩食既豐富大餐啦 先黎晚餐 食既時間係由6點半開始 一邊睇住日落一路食DINNER真係好得 MENU WAAA，真係超級正 除左以上之外 餐廳仲會係客到既時候開始上埋熱食同白飯 以下係即煮既熱食 蒸蟹肉魚板 炸魚配醃雜菌 痴線，仲要有雪糕LO 好飽，好正 訓醒又有第2餐 早餐如下 痴線，點解可以又咁豐富 即時加熱既麵豉湯真係好好。好好。好好味 我地係入住個兩日 講得最多既就係”呢2千蚊真係好抵” XDDD 旅館到呢到就差唔多介紹完啦 依家就等我大概講下點樣去呢間旅館啦 首先大家搭車去到箱根湯本站 然後去搵3號既巴士站搭桃源台線 搭到去「俵石・箱根ガラスの森前」呢個站落車 即係見到個玻璃博物館就落車 落左車過對面馬路 行入條巷到 我知，條路個樣好伏，我去個刻同你地見到既心情一樣 但安全架XD 行到咁上下 會見到分叉，但唔好轉彎 一直去咁就岩架啦 落左車行2-3分鐘到就會見到間野係你左邊架啦 小田急火車大概坐1小時30分鐘啦 而搭巴士大約30分鐘啦 所以大家預番兩個鐘去旅館啦 =) 旅館資料 名稱: 仙石原品之木一之湯 地點: 940-2 Shinanoki Sengokuhara, Ashigara-simogun, 強羅/仙石原, 箱根, 日本 250-0631 公式網站: http://www.ichinoyu.co.jp/shinanoki/ 房間數量: 22室 (露天風呂付和18 露天風呂付洋室1 一般和室3) CHENK IN時間:下午3時 CHECK OUT時間: 上午10時 希望呢個POST幫到大家啦 Facebook: littlecongi分享地攤 Line: ck6057 Instagram: little_congi / congi_store
