仲有一個月先有得飛去日本疏乎下 唯有依家回望過去一下 望梅止下渴先 今次想大家介紹既係台南既一個幾熱門下既景點 就係好有色彩既彩虹眷村啦 點解我會想介紹佢比大家知呢 原因係我個人本身好鐘意D COLOURFUL既野 所以去台中個陣見到旅遊書有講過下 咁我就諗都唔諗就要黎朝下聖啦 由於小編我係住係台中車站既酒店 所以要搭巴士去南屯區 先睇到呢個咁正既村 一開始以為車程長極都有個譜啦 點知原來個南屯都幾遠下 大約坐左45分鐘既巴士先落到車 落左車都仲要行多5-10分鐘先見到 好漫長 但可以睇到呢個聞名既村就算數啦 好啦 開始介紹下啦 話就話佢係一個旅遊景點 但呢到係真係有人住架 所以去睇既時候 其實周圍都有牌叫大家唔好太大聲 廢事嘈到人地既生活 係村既外圍就已經可以見到有好多祝福既話語 望到已經好開心 好彩我去既時候天氣勁好 先可以影到咁多相JA 開始行入唔同既巷仔 發現到佢地全部既外牆都畫滿左野 紅色既主調再配上其他鮮艷的顏色 陽光打落去既時候所反射出黎既色真係令到人心情好放鬆 村入面其實有好多條巷 不過唔洗擔心 因為佢地好多都有箭咀指示你下一條路應該去邊面 因為我去既時候係盛夏 行到咁上下 就已經滴左唔少汗 忽然見到有雪條賣 就梗係衝入去幫趁下啦 但因為小編我食雪條個速度有D慢 所以最後我揀左呢支波子汽水 由於佢本身係係冰水入面游緊水 所以到我手既時候都係好鬼夠凍 飲落口個刻直頭係一個字 正呀!!!! 飲完成個人涼番晒XD 就行完既時候 我見到有個好得意既人叫自己做彩虹戰士 佢原來唔理係好天定落雨 都會係呢一個小小既AREA到帶歡樂比大家架 好可惜我去到既時候佢咁岩唔係到所以無同佢影相 同後來番香港既時候一SEARCH 原來佢好鐘意SELFIE架 所以我下次去都一定要再同佢補影番相=) 點擊圖片放大 最後，到左呢一條準備離開既路 初時睇就以為佢無咩特別 只是一堆畫係地下既畫 但行到埋去 又會發現佢原來好長 畫得好有心機同好配合主題 雖然今次只係好表面咁介紹呢個地方比大家 不過我都希望大家下次去呢到既時候都會細心欣賞下佢地既設計 Facebook: littlecongi分享地攤 Line: ck6057 Instagram: little_congi / congi_store
