大家好=) 過左一排番工既日子 真係好好好辛苦呀 由於仲未到飛下一轉既時間 所以小編我唯有係我屋企附近搵番間CAFÉ放鬆下心情先 今次想同大家介紹既係一間位於荃灣橫窩仔街入面工廠大廈既一間CAFÉ 叫做Lucy Coffee n Food 佢之前其實都已經比左好多雜誌介紹過但我一直未有時間去會一會佢 難得小編個朋友得閒 所以就約埋一齊黎試野 入到工廠大廈上到去 望住門口會以為佢係一個貨倉 因為佢門口係無裝修 盡顯好RAW既一面 而且大家都唔會覺得個間係好野 但入到去 發現原來係世外桃源 即時有種遠離煩囂既感覺 濃濃既咖啡味傳遍整間舖 正 小編我同朋友就揀左門口呢張戶外檯 因為佢可以望到員工點樣整野食 偷下師都好 MENU我唔記得左影 但係好記得既係 佢地賣既食物都好天然 不過主要係輕食類，以包為主 我發現到佢地既包係自己焗製 好新鮮好好味 最後我地兩個都揀左同一款食物 就係煙三文魚牛油果三文治 要提醒番大家 佢地只有逄星期二至五先有LUNCH SET 假日叫野飲係另外收費架 朋友點左杯花茶 而我 黎到CAFÉ就梗係要飲番杯LATTE啦 佢EXPRESSO既份量好足 飲落似係DOUBLE SHOT 奶亦打得好足夠 唯一唔好既就係咖啡既量有D少 BUT味道超級好 同三五知己係到食下小食吹下水 都真係幾舒服 Lucy Coffee n Food 地址: 荃灣橫窩仔街16號順力工業大廈306室 電話: 5508 8318 營業時間: 星期二至日 12:00 – 18:00 (星期一休息) OPENRICE: http://www.openrice.com/zh/hongkong/restaurant/%E8%8D%83%E7%81%A3-lucy-coffee-n-food/461315?tc=sr1 今次個介紹雖然有D短 但都希望你地鐘意啦 Facebook: littlecongi分享地攤 Line: ck6057 Instagram: little_congi / congi_store
