一個被我喻為三蒸三煮的工夫餸, 每次弄這餸, 必搞足成個下午, 真係少一個步驟都唔得, 但自己同老公都好愛食, 同埋好好餸飯, 所以雖然麻煩, 但都好愛整. 同埋我們發現食左呢個餸, 果晚個人都會暖笠笠架!!! 這餸麻煩之處, 在於早一晚已經要開始浸材料及解凍, 另外, 乾螺頭, 蠔豉, 乾冬菇, 瑤柱, 每樣都要獨立處理先, 最後埋鑊反而不煩. 雖然步驟多, 但最後製成品好好食又滋補, 好有滿足感呢~~~ 材料: (2人份量) 乾螺頭 -- 半碗 蠔豉* -- 8隻 瑤柱 -- 4-5粒 海參# -- 1條 (大SIZE, 可切成6件) 乾冬菇 -- 6-7隻 鮑貝 -- 1罐 (可用鮑魚) 薑, 蒜, 乾蔥 -- 適量 (起鑊用) * 個人喜好用韓國, 最後無意中試左大盞的蠔豉, 好得, 甘香唔醒 # 可用急凍海參, 但我係用發好左既海參(因為家人比我的) 調味: 蠔油 -- 2湯匙 生抽 -- 1茶匙 (想清淡或想穩陣D, 可不加或後下) 龍舌蘭糖漿 -- 1茶匙 (可改用砂糖) 紹興酒 -- 1湯匙 白胡椒粉 -- 少許 麻油 -- 少許 乾螺頭湯汁 -- 約2/3碗 瑤柱水 -- 約半碗 預備步驟: 1. 早一晚解凍海參, 當日清洗一下, 切開6件, 備用 2. 乾螺頭處理方法~ 2.1 早一晚用水浸泡, 當日清洗乾淨 2.2 再用半碗水+2湯匙紹興酒, 浸0.5-1小時 2.3 煲水, 加入4-5片薑+4-5條蔥段+1湯匙紹興酒, 餚成濃湯 (大約1.5小時撈起薑及蔥段) 2.4 共餚2.5-3小時, 先大火45分鐘, 之後用中火, 中途不停加水 2.5 最後大約2/3碗乾螺頭汁, 螺頭及湯汁一齊撈起備用 3. 瑤柱處理方法~ 3.1 早一晚浸泡, 半碗水 3.2 當日, 水不要換, 加入2茶匙薑汁+2茶匙紹興酒 3.3 瑤柱要蓋著入鑊蒸, 中火, 蒸20分鐘 (水滾計) 3.4 瑤枉及水留起, 備用 4. 乾冬菇處理方法~ 4.1 早一晚浸泡, 當日清洗乾冬菇, 除蒂, 冬菇水不要 4.2 將冬菇一開二, 用1.5茶匙糖+1.5油, 醃半小時 4.3 冬菇要蓋著入鑊蒸, 中火, 蒸20分鐘 (水滾計), 蒸後取出備用 5. 蠔豉處理方法~ 5.1 早一晚開始室溫解凍 5.2 當日, 清水沖一沖, 用紹興酒浸泡45分鐘 (紹興酒浸過面就可, 不用加水) 5.3 取出, 用薑片及蔥混在一起, 中火, 蒸6-8分鐘 (水滾計) 5.4 蒸後只取蠔豉, 再用新薑片+蒜+紹興酒, 爆香, 一齊留起備用 5.5 因蠔鼓為瘦物, 爆香時須加入足夠油 How to make~~ 1. 白鑊慢火, 慢炒薑片+蒜+乾蔥, 炒一陣 2. 轉中火, 即下油 3. 油熱後, 下冬菇, 快炒 4. 下海參, 收細火, 慢"看" (要耐心, 慢慢兜, 目的慢慢"看"海參, 令佢香D) 5. 下瑤柱及瑤柱水, 轉中火, 煮一陣 6. 下螺頭及螺頭湯汁, 繼續中火 7. 下蠔豉 8. 下所有調味, 炆10分鐘, 或煮至收汁即可 9. 上碟前3分鐘下鮑貝 Cooking Trips~~ 1. 其實乾螺頭, 蠔豉, 乾冬菇, 瑤柱獨立處理方法, 不只只用在此餸, 煮其他餸都可以用得著, 我試過, 真係好食D架~~~例如瑤柱炒豆苗, 瑤柱我會先用上述方法處理左先!!! 2. 如果用生菜或西蘭花墊底, 建議預先白灼, 再涼乾水, 免煮菜水溝淡汁漿味道 3. 鮑貝最後下, 不須煮耐, 避免"un" 4. 海參不要切太細件, 煮完好易爛, 同埋大件D好食D 5. 一般來說, 乾螺頭湯汁+瑤柱水已足夠煮此餸, 但想多汁D, 建議煮時逐少加入水, 調教你想的稀杰度 (個人不喜加鮑貝罐頭內的汁, 因為成個餸好易過鹹)
