前排煮左個"醬燒杏鮑菇", 老公以為是燒帶子, 睇落又係有D似喎, 哈哈 :mrgreen: 醬燒杏鮑菇 材料: 杏鮑菇(即雞脾菇) 3隻 紅麴釀豆油膏 2湯匙 (可以素蠔油或其他喜歡的醬油代替) 水 1-2茶匙 How to make~~ 1. 切好杏鮑菇, 備用 (可橫切, 直切, 斜切, 任你喜歡) 2. 醬油及水混好, 備用 (如醬油本身不太杰, 則不用水開稀) 3. 下油起鑊, 中火, 油要夠熱 4. 油夠熱後, 將切好的杏鮑菇放入鑊中, 以中火慢煎 5. 直至兩面煎香 6. 在起鑊前, 收細火, 下2, 兜均 7. 上碟 8. 如想扮叉燒燶邊, 下醬油兜均後, 煎多一陣(非常短暫), 見焦焦地就要立即起鑊 Cooking Trips~~ 1. 切杏鮑菇時, 任何切法都可以, 但最緊要厚切, 要夠厚, 先juicy架 2. 油溫要夠熱, 才能盡快封鎖菇內的水份 3. 油量要足夠, 不用太多, 但一定不能少 4. 最好用易潔鑊煎
