話說,食花膠一直係女性專利,作為愛妻號,我決定發一堆花膠,得閒燉下比老婆補一補身!基本普通花膠,就可以隔水蒸10分鐘左右,蒸到軟身,之後再輕輕用一點水流啤水,大約1小時後再用凍水放雪櫃浸過夜即可...(錯誤示範,用熱水浸過夜,會走膠,流失哂膠質)點擊圖片放大 有多既咪用密實袋封好,放入冰櫃,想食就拎番出黎今日要整既係好簡單好簡單既薑汁花膠燉鮮奶...先講材料就花膠薑鮮奶首先:1. 磨好薑汁,備用2. 發好既花膠剪段放入燉盅3. 倒入鮮奶,加一小粒冰糖吊味,燉1.5 小時4. 最後20至30分鐘,先加入薑汁 (錯誤示範,一早加入薑汁,會令鮮奶起硬塊,一舊舊,雖然一樣咁好食,但係起結塊令人唔開胃)薑汁 鮮奶燉花膠既有營養又味道一流,雖然唔係自創但絕對心機作,母親節既為感謝母親的辛勞亦要時刻記著懷胎十月既種種辛酸...