到左第三日終於去到宜蘭喇. 礁溪搭火車2個站已經到宜蘭嫁喇. 當然第一年事都係寄存行理啦. 宜蘭火車站有2邊出口. 一邊係宜蘭轉運站; 另一邊先係宜蘭火車前站 (即刻我地要去既個邊) 一出既左邊邊已經見到行李房. 收費都係同羅東一樣. 50蚊一個handcarry. 我地係跟下面既地圖去玩既. 當時幾米公車係首三個月免費試搭. 宜家應該要俾錢嫁喇. 我建議先步行遊宜蘭, 行到去河濱公園 (13號站)再搭幾米公車番宜蘭轉運站 (1號站)~ 圖片來源:宜蘭市文化發展所 因為我覺得幾米公車好特別呀. 可以同幾米既人物一齊坐車. 不過車上位置唔多. 要坐佢地隔離都要睇緣份哈哈. 我地去個陣係11月. 唔多人搭公車. 相信收費後都唔會太多人搭.平均半個鐘就有一班嫁喇 點擊圖片放大 宜蘭轉運站一出其實已經係丟丟噹森林 本來想去合盛太平咖啡. 咖啡店既前身係太平醫院. 已經差唔多一百年既歷史. 除左懷舊既建築風格之外, 咖啡店更係金城武拍廣告既地方!所以好多台灣人同遊客都會到訪. 地址: 宜蘭市中山路三段145號 (十六崁、檸檬愛玉對面) 電話: (03)936-0060 但去到時候已經冇位. 因為唔會限時, 所以店員都唔知要等幾耐. 所以我地就轉埸去搵魯肉飯.隨便問當地人邊度有好食既魯肉飯. 有個台灣年青人介紹我食金澤魯. 對於魯肉飯/肉燥飯. 我覺得只要夠林, 夠汁 (當然汁要好味+唔可以太咸), 肉燥同飯既比例唔可以差太遠, 我已經覺得好食. 地址: 260台灣宜蘭縣宜蘭市西後街140號 之後我地就行去河濱公園喇. 當然如果你有時間可以慢慢行成個宜蘭市 (跟住上面個地圖) 河濱公園冇咩人. 但係對面既山景好靚. 可以見到山上有好多煙. 應該係溫泉黎. 不過當天天氣唔好. 好多黑雲.. 最後坐幾米公車番宜蘭火車站再行去幾米主題廣場. 係丟丟噹森林面向火車站向右行就會去到幾米公園. 途經一部賣postcard既機. 見到有一張係音樂卡就買左. 點知佢只係有個qr code俾你用電話scan黎聽 :( 我完全俾佢呃左. 不過呢部樽賣既所有postcard係可以免費寄去國外! 見佢係免費就算啦. 如果唔係我覺得其他既款平d同靚d 可以扮同佢地等車 對面就係最出名既向左走向右走. 不過太多人排隊影相. 所以冇咩心機影.. 幾米公園仲有其他既故事人物. 不過我地唔係fans就唔太識 如果你要趕當日飛機, 千奇唔好好似我地咁成3,4點先走..因為搭火車去台北係需要2個鐘嫁..去到台北火車站仲要轉shuttle bus去機埸. 所以起碼要預3-4個鐘. 結果係打的.... 宜蘭 i will come back ~
