今次已經係第4次去台灣. 但每次去既地方都唔同. 今次再走遠D. 去宜蘭. 諗住睇下大自然. 其實最好就係頭2日係宜蘭. 最後一日係台北市. 但因為星期六晚礁溪既民宿比較貴. 所以我地揀左第2日先入宜蘭. 先講一講我既行程:) Day 1 - 機場->民宿->上引水產->師大->=赤門居酒屋 Day 2 - 民宿->太平山->羅東夜市->礁溪 Day 3 - 民宿->宜蘭->丟丟噹森林->金澤魯->河濱公園->幾米公車->幾米主題廣場-> 機場 DAY 1 黎台北. 買平衫同面膜. 食平野. 行夜市 ~都係必做既事 但仲有一個地方係好多香港人都好中意去 - 就係上引水產 上引水產 交通: 坐捷運到行天宮站. 步行15-20分鐘 (或搭的士) 上引水產可以堂食 (較貴) 一個set咁買. 有d set會包一杯酒. 但只有企位. 但我覺得堂食唔係特別新鮮. 所以我都係推薦係場內supermarket買一包包已經pack好左既刺身同壽司. 帶子好大隻. 鮮甜 生蠔都新鮮. 但我習慣要加茄汁食 海膽本身我都唔太中意食. 厭有陣口臭既味道. 之前係日本食新鮮既係完全唔會有. 上引既海膽都係有小小味..但比起香港個d已經好食好多! 壽司就麻麻. 建議揀番食刺身. 總共食左TWD1880 @@ 其實我個人並唔推薦黎上引水產. 因為我唔覺得特別好食或者特別平. 而且好多台灣朋友都唔知上引水產係邊. 亦都唔會去. 同埋好唔就腳.. 之後我地搭的士去師大行街喇. 大約HKD50就到師大. 如果4個人一齊既話. 係台灣搭的士真係幾抵! 台北的士係跳錶既. 但台中就係佢報價俾你 (好易俾人呃) 師大比起西門町同五分埔值得行100倍. 上幾次去西門町同五分鋪完全係揀唔落手. d衫差過旺中好多...五分埔大部份都係一袋袋放係地下. 始終買衫都係要掛係度易揀同易睇d. 相反師大就好好行. 搭捷運既話係台電大樓3號出口一出就係~ 好多韓國女裝, 手飾, 帽. 鞋. 仲要係唔貴嫁! 行到最尾就係師大夜市! 因為我地book左夜晚食居酒屋. 所以冇咩點食到. 有d可惜..只係食左個生煎包. 但係接住落黎介紹既居酒屋相當不錯! 赤門 交通: 市政府站1號出口行6分鐘就到 好日本風既裝潢~居酒屋入面既位唔多. 所以可以先打電話去預約. 電話: (02)2767-6817 食燒物不可缺少既就係一大杯冰凍既啤酒. 呢度飲啤酒好抵. 唔使HKD40已經有一大杯. 食物既質素真係好好. 最推介既係下面既豚肉. 豚肉既醬汁好香好好食. 再點埋攪拌左既蛋汁. 令到味道更加升華! 真係宜家睇番張相都仍然覺得好好味. 其他串燒同小食都好食. 只係食完個豚肉就只會記得佢有幾好食>< 呢個燒粟米好得意. 好清甜. 唔點salt同pepper都好食. 但因為下面個牛肉會伴2,3條. 所以可以唔叫~ 一共食左TWD1850 係好飽好飽 第二日一大早我地就出發去宜蘭喇 - 請看Part 2 -
