秋天又係行山既時候. 今次我地揀左城門水塘. 難度 (對於我呢d唔做運動既人) : 2/5 - 有上斜, 但石屎路比較易行 風景: 3/5 - 只限日落時間的主霸 係荃灣站B2出口. 過天橋. 千色對面會有82號小巴($5.2一程). 總站就係城門水塘. 車程10分鐘左右. 但由於星期日實在太多人去. 所以小巴條龍由街頭去到街尾. 於是我地改搭的士. 的士由荃灣小巴站去城門水塘菠蘿霸 (小巴站)其實只需要50蚊. 4個人夾好過排咁耐. 路線就係由城門水塘小巴站沿住個水塘行到去主霸 (大約5.5km). 我地3點鐘出發. 大約6:30返回起點. 行山徑全部舖好左石屎路. 唔會難行. 好多一家大小都會黎. 小巴站一落車已經有好多馬嬲. 最好唔好食野/拎個膠袋出黎. d伯伯話呢度既馬嬲好惡的. 隻馬嬲坐到好似人咁.. 行到咁上下就見到第一個拍攝地方喇. 白千層隧道. 好似入左童話世界咁. 之後一直行. 有D地方可以落去個水塘旁邊. 行左3個幾鐘..上左好多個斜路. 落左好多個斜路.. 終於都到主霸... 啱啱好日落. 個水塘反映到日落.. 好靚~ 點擊圖片放大 係主霸影完相之後. 繼續行. 會見到好多BBQ既地方. 沿住車路一直行. 行多8-10分鐘左右. 就會去番落車既位置. 落車同上車都係同一位置. 雖然會見到好多人排隊. 但好快就會有一架小巴. 可以唔使太擔心. 相比係鶴咀, 城門水塘會似行山多d. 體力勞動多d. 享受大自然一d. 城門水塘比鶴咀更易到達 (因為鶴咀係港島區) 但係鶴咀就靚d特別d. 好多影相靚既地方. 日落係一流. 可以禁以下既link睇番我之前介紹鶴咀既文章. https://blog.ulifestyle.com.hk/blogger/littlebee/2015/11/偽行山-鶴咀/
