Day 3 去到Rotorua 最出名除左mud spa/sulphur spa, 就係極限遊戲喇. 距離我地既Holiday Park只係7分鐘車程 呢個Holiday Park十分推介呀! 可以睇番我上一篇有詳細介紹:) Skyline 門票都幾貴的. 我地買左Zipline Combo (Adult: NZD95.00). Zipline Combo包左Gondola, 5 Luge rides and Zoom Zipline. Gondola (纜車) 上山就一定要坐纜車既. 因為所有attraction都係山上面. 山上可以睇到成個Rotorua景 有好多唔同既小徑可以行. 可惜個日我地搵唔到櫻花睇. 應該唔啱季節. 但係..我地竟然搵到.... 3隻好可愛既草泥馬. 應該係冇咩人會行Native Walk. 我地影左好耐都唔見有其他人. 可以同佢地瘋狂自拍. 之後我地就去左玩Luge ride (陸上雪橇) 我就冇影相喇. 帶完頭盔就排隊玩. 工作人員會簡單教你點操作架車. 之後就自己黎嫁喇. 會分左easy & difficult既路. 如果你好似我咁個package包左一次以上, 可以玩左easy先. 因為我玩easy都覺得好刺激. 同埋我有抄車-.- 去到終點就坐番呢d纜車上去. 再玩過! 呢個真係大人細路都啱玩. Zoom Zipline 有片睇. 個人覺得唔係好刺激. 同埋冇咩靚景睇. 好快就玩完. 最刺激係最後要你向後跳落去個下 (條片0:27) 真心淆. 佢仲有幾個唔同既attraction. 你可以去佢個網睇下自己想玩咩. 全部都有片介紹. 山上有間Jelly Bean既專門店. Harry Potter 迷^^ 其實都玩左我地成日. 呢個地方好多一家大細都會黎野下餐. 行下山. 我覺得呢個地方係唔錯. 雖然係貴. 但我地會係食野方面慳小小. 通常早餐晚餐都係holiday park煮. lunch就朝早整定三文治. Day4 一大早就去左OGO玩悠波球喇.因為趕行程. 其實OGO係Skyline附近. 其實下次可以先去OGO再去Skyline. OGO有分2個唔同既波. 一個係dry & straight track. 唔使濕身. 一條直路. 好快就到. 另一個係wet & sidewinder. 要著泳衣. 唔係直路. 係碌完左就碌去右. 當然Wet個個會貴d. 我覺得.. 悠波球一d都唔刺激. 都唔係太好玩. 又貴. 但只係覺得一生人點都要玩一次. 本身以為玩緊個陣可以睇到出面既景. 但錯了. 係完全睇唔到.. 價錢可以參考官網. 一個波可以入1-3個人. 可以加錢要video & photo. 佢會俾個cam你拎入去自己一路玩一路影住自己. 亦都可以自己帶手機/cam. 咁就唔使俾咁多錢. 濕完身之後會有地方俾你全身吹乾. 玩完悠波球我地就離開左Rotorua喇. Next station is Lake Taupo~
