打算去旅行既時候. 你會揀同邊個去呢? 1. 另一伴 只要你拍拖. 你另一伴一定會要求你每次去新地方都係同佢去先.. 不過我明既..要製造更多共同回憶呀嘛. 但如果: 你另一伴唔識游水/唔中意玩機動遊戲.. 咁一係就自己玩single rider. 一係就唔玩啦唯有. 呢個問題會鬧十幾廿次交. 但都唔會有結論. 其實同另一伴去都有好多好處既: 咩都就哂你. 可以幫你拎野. 可以24小時痴住. 可以幫你影相影到滿意為止. 食唔哂既野可以清埋. 可以話哂事. 就算去既地方唔係你所諗咁好. 只要有佢. 就開心嫁啦. 2. 朋友 同朋友去係要好認真挑選先得. 最好係情同意合. 可以傾心事. 因為真係好怕dead air. 特別係去cafe既行程. 你朋友只係掛住send whatsapp. 都幾悶下.. 錢既問題都幾煩. 最好就係夾阿公. 千奇唔好揀啲食一兩啖就話飽. 成日話唔肚餓. 得自己一個食好無癮.. 去一次旅行其實就已經可以知道對方既性格. 脾氣. 壞習慣. 唔好因為去一次旅行就失去一個朋友.. 好唔中意成日要行souvenir shop. 間間都要行. 買唔到野唔安落. 好唔中意明明唔順路. 但都要去某間鋪買手信. 3. 家人 通常都係家人俾錢. 行路搭車實揀搭車. 去每個景點都要合照(睇鐘乳石都要合照...) 機動遊戲出面等. 買衫褲鞋出面等. 唔使指意識到陌生人. 4. 自己 暫時未夠膽自己去. 起碼要練下跑. 有起事黎都可以即刻走人. 但其實最重要都係開心就得.
