由於平時唔太做運動 但係鶴咀係幾好行而又親近到大自然嘅一個地方 交通: 筲箕灣地鐵站A出口 -> 9號巴士 由於我地去嗰日係紅日 所以好多人排隊 不過9號好多班次 但要留意唔係架架都會經鶴咀嫁 大約兩點幾落車 沿住條石屎路行 行到你會見到狗尾草 大約半個鐘 其實係無咩野睇 所以我地都算行得快 狗尾草我只係影左兩張相 因為我地都覺得大東山嘅芒草靚啲 要落去草地沿住鐵絲網行 會見到左邊有條路係上去 右邊係直行 直行先係去燈塔 燈塔其實好多人 要排隊影相 呢個係香港第一個燈塔~ 多人到求奇影左幾張就走左 之後行番出去海洋保護區(?)(類似呢個名) 係電塔到影左好多相. 雖然無咩特別 但我好少見到電塔又咁近 見到海洋保護區個牌就一直行 會先見到左手邊有個雷音洞 就係一個洞 海水打埋黎有聲 不過真係好多垃圾 希望可以有少少公德心 再行就會見到一堆石 石上面有好多人 蟹洞都幾出名 不過亦係好多人影相 其實我唔知爬上去啲石度會唔會有破壞 不過我地都係爬左 有部分石比較尖同吉手 所以要小心呀 我地無特別係預左睇日落 但我地行到海灘嗰邊已經五點幾 係呢度睇日落係幾靚 不過驚太晏就無睇到落山先走 行番出去搭車行左大約四十分鐘 回程都係一個問題 因為假日好多人會去鶴咀同石澳 所以我地最後決定搭9號去石澳 再等車番筲箕灣 等車應該等左三四個字 不過我唔知直接係鶴咀上車番筲箕灣會唔會快啲 因為會無位同部分班次唔經鶴咀 全程我地用左大約四個鐘 係鶴咀見到好多蝴蝶 比市區嘅多顏色 男朋友話係代表環境好 蝴蝶會跟周圍嘅顏色而變 出左一身汗感覺幾良好 所以可以拉你唔中意做運動但中意影相既男朋友女朋友朋友黎
