其實本身對呢間coffee shop無咩興趣，只知道有個窗好受歡迎，日日都好多人排隊影相。不過朋友好想去朝聖，為左可以唔使排隊，我地12點半左右就到左，仲可以直接入去。 入面面積唔大，主要有3種枱，包括普通嘅2人/4人(1枱)枱、面對住海而坐嘅椅子以及吧枱。我去到剩下位置唔多，二話不說揀左面對住海而坐嘅椅子chill 下。點擊圖片放大 coffee shop主要提供少少輕食，一個櫃睇晒，無論食物定咖啡選擇都唔多，不過價錢合理，唔太貴。 以下係我地叫嘅野食︰Grape Danise $38酥皮好香脆，提子下面係吉士醬，不太甜。Mini Earl Grey & Rose Loaf Cake好香伯爵茶同玫瑰花味，口感厚實，不過有點略甜。 S&B Smoked Bacon & Cheese Croissant $38牛角包好脆口，而且配煙肉同芝士一齊好好食。 我果杯係latte (large size, hot), 好易入口，好smooth, 不過咖啡味略淡。 呢個位充滿度假風。 原來有兩個窗口，可以分散啲打卡嘅客人。1點幾果陣係窗口位影相嘅人唔多，好多人都係享受緊食物，不過之後影相都要開始輪了。 Cupping Room Coffee Roasters如果你覺得食評都幾中肯，歡迎多多支持並追蹤︰Instagram: https://instagram.com/risrisophy?igshid=dssksxpx7r2m
