呢間台灣菜已經食過2-3次，差不多每次去元朗都想去探下佢，不過每次都要等好耐......呢日朋友們都想食，唯有又去等下......好彩30分鐘左右就入得啦。以下係我地叫嘅野食︰肉焿湯米粉 ($48)我地加左芫荽同辣醬。個湯口感同碗仔翅差唔多，不過入面材料少啲，有筍絲同幾塊肉丸，米粉份量都幾多。加左辣醬後都幾惹味，酸酸哋辣辣哋。 鹽酥一口雞魯肉飯 ($56)碗魯肉飯好大碗，2-3人分享都可以。而且魯肉處理得唔錯，入口好香。飯下面有啲肉汁，可以用黎餸飯，唔會咁單調。 炸粉略嫌厚左少少，不過雞肉炸得恰到好處，好嫩滑。 台灣士林香腸(伴自家製蒜蓉醬) ($33)！！！友人好中意食呢個小食！特別係個蒜蓉醬，佢地話超香，同香腸一齊食好夾，中和左白腸嘅甜味！而且士林香腸都過香煎再切件，表面好香脆! 酥炸甜不辣 ($33)我好中意食甜不辣，因為口感好煙韌。呢個甜不辣因為炸過，所以表面會硬少少，不過都好食。 甜品方面叫左仙草芋圓2號 ($35)雖然睇落唔係好大碗，但好足料！下面唔係冰同水，係成碗仙草，而且每款材料都好多。三色芋圓同小丸子都好煙韌有咬口，仙草係無甜味嘅，剛好可以中和較甜嘅糖水。 店鋪詳情︰羅東肉焿番如果你覺得食評都幾中肯並想緊貼追蹤即時美食動態，請follow︰Instagram: https://instagram.com/risrisophy?igshid=dssksxpx7r2m
