好耐之前已經想約媽媽去享受下午茶，不過佢唔中意甜食，所以要搵一間佢啱食嘅下午茶有一定難度。最近見十里洋場嘅下午茶以點心同上海開胃菜為主，好似好啱佢，所以特登去試試。雖然我地係平日去，不過一踏入3點，門口就開始有唔少人排隊等入去。好彩職員都好快手，唔駛等好耐，都係5分鐘左右就入得。 餐廳入面好寬敞，天花上有一排排的燈泡裝飾，感覺挺浪漫的。下午茶套餐的湯麵同飲品類可以自己揀。我地決定兩款湯麵都試下。係上菜之前侍應問飲咩茶，注意的是套餐價錢不包茶芥，不過我地都叫左茶慢慢嘆。 首先上嘅係用兩大蒸籠裝全嘅淮陽小品、點心同乳鴿，真的很精緻呢！好啱打卡！我地先趁熱品嘗點心，後試冷盤淮陽小品。 點心方面，每人有４款，包括小籠包、帶子鳳眼餃、鮑魚火腿酥及黑金流沙包，全部都好新鮮。 小籠包飽滿多汁; 鳳眼餃好彈牙; 鮑魚火腿酥外皮酥脆好香，入面餡料口感好豐富; 不過我最愛黑金流沙包，內餡真係好流沙質，食到蛋黃沙，好香好好食。點擊圖片放大 食食下，飲品就到了，分別是紅棗桂圓杞子茶和麥米薏米檸檬水。 至於淮陽小品有6款，款式都真係唔少，包括陳醋紅哲頭、水晶肴肉、金絲小排骨、蓑衣黃瓜、四喜烤麩、黑松露珍珠燻糖心蛋，份量也大方。一齊上嘅乳鴿反而瘦左少少，不過烤得好香，肉質也多汁軟滑。 當中令人最驚豔的是糖心蛋！估唔到係滑溜嘅糖心蛋上面加上黑松露同些少調味，竟然將糖心蛋味道大舉昇華！令人一試難忘！ 水晶肴肉好香滑，也是好味之選。 經典淮陽下午茶套餐菜餐︰ 餐廳：
