早幾日我同男友清假，為免白白浪費難得的假期，我地特登睇下有咩吸引嘅staycation去體驗下，最後揀左尖沙咀馬可孛羅酒店的satycation套餐。真心係抵住!套餐包3餐(下午茶、3道菜晚餐&自助早餐)，而且可以提早於早上10時入住並於下午4時退房，可以嘆足30小時。我地係附近食左個午餐(稍後同大家分享)，之後大約2點去check in。check in 時職員同我地確認左下午茶同晚餐送遞時間。下午茶我地嘅下午茶好準時於指定的時間送到。由圖可見，雖然係套餐包左嘅下午茶，但份量絕對唔少！鹹點和甜點都有，甜品款式較多。 估唔到迷你漢堡上有魚子醬，一點也不馬虎。 我最中意就係食鬆餅，呢度嘅鬆餅好香牛油味，而且我地食果陣仲幾熱，好食！馬德蓮貝殼蛋糕甜度適中。 士多啤梨奶凍奶味好香濃，口感幼滑。 食落款款質素都唔錯，唔覺有伏。只有以下一款是我們不太滿意的，麵條口感太硬、乾，而且味道偏淡。 晚餐食完已經５點幾了，到了晚上８時，晚餐準時送達。 睇落去好似唔多，不過我地仲好飽，所以份量都好夠!而且除左3道菜仲有甜品tiramisu同柑。而且用呢個套票仲送左支紅酒！可以係房入面一邊欣賞夜景，一邊Chill住嘆紅酒。 前菜有煙三文魚沙律配魚子醬烘底方包，食得出沙律菜好新鮮，我還將三文魚、魚子醬同白方包砌埋一齊食，口感好豐富。 主菜係芝士焗龍蝦，不過入面唔係原隻龍蝦肉，有點失望。 另外一道主菜係蟹肉意大利雲吞，上面果塊蟹棒好鮮甜，係真蟹棒。意大利雲吞味道偏淡，不過不失。 自助早餐自助早餐去到10:30, 款式好多，除左常見嘅中西款式，仲有日韓美食，質素正常。 最令人驚喜嘅係有港式奶茶飲，味道香濃！ 另外，蛋方面唔止可以整奄列，仲有其他款式任選，彈性大。 雖然酒店嘅房間設施比較舊，不過豪華套房好寬敞，感覺都舒適。本身我地揀左海景房，但海景房翌日要12點退房，所以都係放棄了，豪華套房則可於翌日4點退房。 影相好有懷舊感。 我地係呢度買
