無意中係IG見到個梳乎厘班戟好吸引嘅打卡相，對此念念不忘，於是趁假期同朋友去試下。由於無得預約，於是我地12點左右walk in，希望少啲人。 結果又真係得一枱食客，雖然我表示朋友仲有15分鐘先到，老闆娘都好好人，俾我坐住等，又話無人排隊，唔限時。 裝修偏向工業風，帶有乾花、樹枝點綴。 餐廳唔大，只有5張枱，2個人做樓面加廚房，有咩需要直接大叫出黎就得。我地每人叫左份主食，然後再一齊分享甜品。 烤豬扒。慢煮無激素雞胸肉。手握飯糰。日本醬汁 ($88) 見到個名已經知道好健康！本身對慢煮雞胸肉抱有期望，不過食落口感一般，有啲乾。烤豬扒嘅醬汁微酸好開胃，豬扒亦夠嫩滑。手握飯糰較鬆散，不過入面有木耳等饀料，口感豐富，而且無咩其他醬料，感覺健康。 空氣朵兒梳乎厘班戟配百香果蜜汁 ($108) 呢日嘅重點係呢個梳乎厘班戟！圖片可見，名符其實真係滿滿的空氣感。班戟入口輕軟濕潤，有蛋香，加上酸甜的百香果蜜，甜度剛好。如果想再甜D，可以倒些許蜜糖。 藍天白雲 ($48) 見到個名頓覺心情好好所以叫左黎試。其實佢上面果層係乳酪，下面係藍色梳打，飲落酸酸甜甜。但真的有給它的顏值驚豔到！整個配色好日系（富士山Feel)！不過，友人飲完有點反胃的感覺，不知是否檸檬同乳酪未必夾。 洛神花茉莉蜜 ($35) 洛神花茶沒甚特別，酸酸甜甜挺適合消滯的。 伯爵鮮奶咖啡 ($48) 另一邊牆身掛滿了乾花，很適合拍個文青照，打打卡！ 雙生館 菜單參考︰ 點擊圖片放大 +3
