依加秋高氣爽就最啱行山。我地早前行完屯門嘅彩虹徑係屯門青棉徑附近搵野食,朋友見到呢間西餐好似唔錯,座位闊落,所以試下,順便休息下。以下係我地叫嘅野食︰黑松露鵝肝意大利飯($138)估唔到有兩塊咁大塊嘅鵝肝!食落香味濃郁醇厚。而且黑松露醬唔係點綴下就算,而係同飯均勻混合,啖啖都食到黑松露香味。呢個價錢黎講算好抵食。 All day breakfast ($98)All day breakfast 好大碟,除左有大量沙律菜,炒蛋係黑松露炒蛋 (角度問題睇唔太清楚),而且入口嫩滑。蕃茄經過處理,上面灑有香草碎,入口好清新香甜。友人本身唔中意食也讚不絕口。大啡菇好juicy! 檸香牛油菠菜三文魚柳意粉 ($98)見到個名覺得好吸引所以叫,不過見到實物有啲失望。我以為菠菜意粉係用菠菜打汁整,成碟綠綠地色嘅意粉,原來只係撈埋煮。而且可能用多左牛油,整體感覺好油。三文魚就不過不失,唔會過熟。 海綿寶寶 ($58)見個名咁得意就試下。不過估唔到好好食,上層係烤過嘅綿花糖加朱古力汁,下層係香蕉金寶(其實係香蕉加酥脆嘅粒粒),入口完全唔會太甜,而且口感好豐富,輕飄飄、軟綿綿、滑溜溜、脆卜卜。 70%黑朱古力心太軟配雪糕 ($58)係咪真係70%黑朱古力我就唔太食得出 (本身不太好朱古力)。不過好香朱古力味,都食到好濃郁嘅朱古力,而且流心得嚟唔會太水。 The City CornerThe City Corner