好耐無唱過K啦~我同閏密都好掛住以前唱K嘅歡樂時光！最近聽佢地講銅鑼灣有一間新式Ｋ房好靚，而且食物都好高質，所以就約去試試！係預約嘅時候，職員會問對間房有無咩特別嘅要求，表示會盡量安排。我地要求盡量想有窗或者房間以粉紅色為主。雖然去到無粉紅色房間，不過都俾左有窗房我地～整體感覺好光亮舒適!而且仲有燈光調控，可以將燈光教黃啲。 牆上嘅裝飾好文青cafe。 野食方面是用QR code 落單，每人最低消費$128。另外，我地見到竟然有下午茶提供！！！不過好似無咩野食，我地就無試啦。 由於大家都肚餓，所以決定食左野先。以下係我地叫嘅野食︰呢個healthy bowl好啱中意健康嘅我地，有藜麥、牛油果、雞胸肉、羽衣甘藍、蕃茄仔等，食材感覺新鮮。healthy bowl 本身無咩味道，要配醬汁食。 另外，我地點左和風三文魚意粉。個份量唔太多，不過好creamy，加上紫菜、三文魚同蘑菇，口感好豐富。 而全日早餐不過不失，只係個炒蛋炒得比較老，唔夠嫩滑。 食完就唱K啦~不過要留意嘅係呢度要帶耳機 (headset)先聽到自己入咪把聲。為保衞生，職員會係客人面前消毒耳機。而我地3個人去，有2個耳機提供，剩返果個唔會聽到朋友係普通K房唱歌嘅震撼環迴立體聲，因為MIC輸出嘅聲，只有帶了headset先聽到。有好有唔好，中意唱K發泄嘅朋友未必喜歡。不過作為一個朋友聚會的part room又有高質野食同可以唱下歌是不錯的。COSMOS
