每次同呢幾個朋友聚會的傳統也是先去食譚仔，然後再去尖沙咀酒吧暢飲及談心，而這個傳統已持續了5年有多。 今年，朋友話最近尖沙咀開左間新酒吧，充滿異國風情，最重要係新張期間 (8月17日至31日晚上9時至11時)，可享Asahi / Hoegaarden Beer Tower 免費任飲，如果讚好 Facebook更免費領取1664一支！咁筍，我地當然唔會放過! 除左免費任飲外，酒吧的小食及各種酒品價錢都非常大眾化，係尖沙咀黎講應該算係便宜架啦！我地雖然食左米線，但都叫左２款小食，啤啤佢! 炸薯條 ($48) 熱辣辣好新鮮，上面灑左少少紫菜碎同鹽，咸左少少。 黃金魷魚圈 ($68)，魷魚炸粉薄，唔會咸，仲幾彈牙，幾抵食！ 另外，小妹好中意個充滿泰國風情嘅環境，一秒瞬間去左泰國酒吧咁! 點擊圖片放大 +2 另外，每張枱都有骰盎玩，可以消磨下時間。 由於小妹唔飲得酒，我叫左個Tonic Water, 因為好奇唔知咩黎，飲落似蘇打水，加上檸檬汁，有少少苦苦地。 個吧環境氣氛都唔錯，只係飲飲下聞到好重煙味。
