依加小妹北上愈黎愈頻密,只因深圳真係愈黎愈多靚cafe!今次又趁住星期六日北上尋歡! 呢間cafe 位於較少人去嘅工業區,我地由歡樂海岸搭的士去要大約$30。去到搵到M-9棟工廈就係啦。如果見唔到大廈no. ,就望下有無以下呢條斜路。 主題係美式復古風情,餐廳播住50-60年代嘅懷舊音樂。 餐廳主要提供飲品同少量小食,俾人relax下,當食個tea,如果好肚餓就唔好去啦! 我地去果陣都成6點,所以人唔多,以下係小妹所影嘅打卡位: 夢幻長廊,低炒,個人即刻高左瘦左 希望可以揸車上太空 好靚嘅bar台 坐左落泳池飲野 cafe有兩間主題房,一間禮物盒同一間馬賽克房,不過小妹覺得馬賽克房無咩特別,所以無影到。 適合高人嘅欄杆位 LAPS LAPS cafe 地址:深圳南山區麻雀嶺工業區華富洋大廈210 (地鐵深大站A3出口) 營業時間:10:30-21:30