早幾日，小妹趁未使返工，於是搵埋男友北上深圳灣兩日一夜飲飲食食！ 其實之前都知道深圳有好多靚靚cafe, 今次我地都揀左間去試下。 不過間cafe都唔易搵，位於桃園站嘅小區之內，我地都有幾分鐘懷疑到底小區入面是否有cafe。我地到達桃園站之後都行左10-15分鐘先搵到! 但間cafe真心大，空間感十足！侍應帶我地到「戶外區」坐，果度係各位KOL打卡嘅熱點，超開心的！ 一去到就見到好多植物，好似置身花園咁，雖然睇真D有部分花花係假嘅，不過都無損整體嘅觀感。 當中最靚嘅就係一面種滿了綠色植物嘅格仔牆，好容易就影到一張靚相，唔使點諗post同角度。 我地當日好肚餓，決定食左先慢慢影下相。Cafe有好多水果茶同鬆餅食，另外仲主打泰菜，不過我地見就食晚飯，所以無試泰菜，只係叫左杯水果茶同芒果鬆餅。價錢都唔貴，正常cafe 價。 估唔到杯水果茶真係同張相一樣，好多新鮮芒果，中間又有粟米片，下面仲有層成3cm嘅奶蓋，超正！鬆餅亦ok好味，只係實左少少，不過配咁多片薄切芒果，感覺好抵食！ 食緊果陣已經諗緊會唔會可以坐下D鳥籠，可惜我地食完去影相都仲坐滿晒人。 大家見唔見到D鳥籠啊！唯有咁影住先。。。 點影都無得輸嘅植物牆！ 我地坐果個位都唔差，啱啱好影到後面嘅花花。 逸塔花園地址：深圳市南山區金雞路田廈翡翠明珠七巧國2樓
