前排工作好忙，食無定時，下晝半個鐘內食完飯就要繼續趕工。上星期日男友話帶我去食好野，補償下辛勤工作嘅我。 原來係帶我去位於尖沙咀諾士佛臺嘅蠔吧食蠔!!! 一聽到食蠔就覺得好貴，心諗都係唔好食咁多，一隻起兩隻止。不過男友話依加做緊10蚊一隻優惠價，所以叫我唔使驚，盡情食！ 當晚嘅生蠔係來自愛爾蘭，都唔算細隻，肉質好嫩滑，味道鮮甜，食完一隻之後心情即刻好返晒！我地叫左一打，每人6隻都係60蚊，認真抵~ 另外，我地叫左特色嘅啤酒薯條。原來用啤酒炸薯條，薯條會香口好多，不過唔會有好重啤酒味，所以我都食左好多。 蠔站廚師沙律都好值得推薦。個沙律包括左︰咸牛脷、車打芝士、火腿、蛋及燒雞胸等，無論口感定味道都非常豐富。 另一個全晚嘅重點係以下呢份美國天然特級牛柳，重12安士架！勁厚「肉地」！睇到都流晒口水。我地叫左5成熟，切開見到D肉好粉嫩，不過略嫌肉汁少左D。 總括來講，星期五同同事、朋友去chill下~Happy Friday~真係唔錯架！
