呢幾日都好忙,未得閒同大家update埋澳門嘅飲食日常。今日同大家分享下禮記雪糕嘅試食感。 之前見網上有唔少人推介禮記雪糕嘅雪糕三文治,所以未去澳門前已bookmark。 係瘋堂斜巷行到又累又口渴,突然間見到禮記雪糕就係前面,即刻衝左入去。由於當時係傍晚5點度,店入面嘅人流唔多。一坐低,我諗都唔諗就叫左個雪糕三文治,跟住個阿姐叫都唔駛叫就拋左盒雪糕三文治過黎。速度之快真係令我大開眼界! 如下圖,盒雪糕三文治真係比我想像中細,仲細過我隻手掌,但索價17蚊......心諗可能好好味呢!於是我帶點點的期待打開個盒,跟住再用半分鐘去欣賞果三種和諧得黎又夏日嘅顏色,然後微微張開小嘴輕輕咬一啖,真心驚大啖D都食晒成塊~ 個三文治包括左3款雪糕,以我食到嘅應該係芒果、蜜瓜同椰子味,不過好似甜左d唔係好smooth,同埋外層嘅兩塊威化餅略嫌唔夠脆。 另外,友人分別叫左薄荷味雪糕同蜜瓜味雪糕,每球都13蚊~但食落又唔覺得特別好食,質感並非特別幼滑,味道又唔係好香甜。真係唔明點解咁多人推介,難道係個packing靚?