澳門 。。。小妹呢兩年大大話話都去過3-4次,簡直可以話係返鄉下咁!今次想發掘下有咩未去過嘅景點,就俾我搵到呢個好啱文青/偽文青影相嘅地方! 奪目嘅橙黃色葡式建築加上百年嘅翠綠嘅樟樹,真係好啱係度影下文青相。不過夏天天氣熱,小妹去果日成30度,所以唔敢勞煩友人影咁多。如果大家有時間,真係可以玩大半日! 呢個建築叫「仁慈堂婆仔屋」,係望德堂區嘅瘋堂斜巷入面,依加係澳門新嘅文創空間,入面會不時舉辦展覽、表演等。我地去到果日未見有文化活動,不過見到有文創公司同文藝小店開左,大家影完相都可以入去行下。二樓仲有間葡式餐廳 Albergue 1601,行到攰可以考慮去食埋葡國菜。 我地影完相繼續沿瘋堂斜巷行,沿路嘅建築物都好colourful,好靚,充滿葡式風情! 見咁好天,小妹想影下日光投射係面上/身上嘅效果,可惜......身高啊......下試去可以再試下~ 〖位置〗 仁慈堂婆仔屋嘅位置比較偏僻少少,不過路痴嘅我睇住google map都唔難搵,由大三巴出發,大約行10-15分鐘。 〖詳細資料〗 可瀏覽<a href="http://www.scmm.mo/f