羊係一種好特別既食材, 食客對佢都好愛恨分明. 鍾意就鍾意, 唔鍾意既就好討厭佢既羶味. 我反而覺得, 如果冇左嗰種羶味, 反而唔似食緊羊! 加上我係羊痴, 出去食飯, 有得揀, 我一定會食羊, 哈哈! 喺香港, 主打食羊既地方唔算多. 而以羊做主打既米線, 喺我印象中好似係... 呢間位於佐敦既雲南阿老表黑羊湯鍋米綫, 係朋友想約我去既. 但我等唔切, 今日自己一個人先去試食. 一入到間舖頭, 裝修簡潔, 好乾淨. 坐位相當闊落, 冇一般粉麵舖咁迫. 望望menu, 羊米線既羊可揀有皮或淨瘦, 我當然唔洗諗, 一定要有皮既. 燥底黃@雲南阿老表黑羊湯鍋米綫 碗米線黎到, 超級的大. 燥底黃@雲南阿老表黑羊湯鍋米綫 望落去, 羊肉唔算多, 但就有好多湯. 試一口湯, 滿滿的羊味(似國內既羊雜湯). 我相信對嗰D唔食羊既, 都會幾難頂, 哈哈~ 羊肉切成小幼條, 整得好煙韌, 入口好香羊味, 同出面食開既羊有少唔同. 燥底黃@雲南阿老表黑羊湯鍋米綫 燥底黃@雲南阿老表黑羊湯鍋米綫 燥底黃@雲南阿老表黑羊湯鍋米綫 佢個辣油好似都唔錯. 燥底黃@雲南阿老表黑羊湯鍋米綫 今次得一個人, 食唔到其他野, 下次帶埋樂爺黎, 可以叫D小食, 又有人俾$, 諗下都開心! 燥底黃@雲南阿老表黑羊湯鍋米綫 知多D: 雲南阿老表黑羊湯鍋米綫－佐敦上海街35號地舖 今期攝影裝備: Samsung Galaxy Mega 2 + Olympus PL2 14-42mm 註: 本文章純屬個人意見.
