香港人鍾意打邊爐, 一年四季都可以. 呢間火鍋店係喺佐敦偉晴街, 講真, 地點真係有D吊腳, 喺正油麻地同佐敦MTR中間. 我都要靠google map先至行到去. 如果唔係朋版買左團購, 我相信我未必識得/知道呢條街添~ 去到接近8點, 好彩可以即刻坐低. 望望餐牌, 牛有美國肥, 豬有日本黑豚肉同豬腩肉, 都幾捨得落本. 唯一可惜冇羊肉, 作為一個羊肉fans, 有少慘. 兩個人叫左幾樣野試下先. 丸類有超多選擇, 主要都係自家製為主. 花枝丸同墨魚丸, 好新鮮, 好好味! 燥底黃@皇牛海鮮火鍋 燥底黃@皇牛海鮮火鍋 日本黑豚肉, 切得厚薄剛好! 燥底黃@皇牛海鮮火鍋 鯪魚滑, 落錯單送左黎, 我地冇食到, 但睇落相當不錯. 燥底黃@皇牛海鮮火鍋 脆鯇片, 朋友話都OK. 燥底黃@皇牛海鮮火鍋 團購menu都有竹笙供應, 正! 燥底黃@皇牛海鮮火鍋 仲有叫到枝竹, 冬瓜同埋豆腐. 燥底黃@皇牛海鮮火鍋 燥底黃@皇牛海鮮火鍋 仲有罐裝百事同啤油無限任飲. 燥底黃@皇牛海鮮火鍋 醬料選擇不多, 只有蒜, 辣椒粒同埋蔥粒. 但因為今晚係沙嗲底, 所以唔點醬都好夠味! 燥底黃@皇牛海鮮火鍋 燥底黃@皇牛海鮮火鍋 雖然唔算食左太多野, 但人大左, 開始貴精不貴多. 呢個火鍋供應既野食質素相當好, 因為團購, 每人都唔洗$200, 真係好滿意. 知多D: 皇牛海鮮火鍋－佐敦偉晴街56-68號偉成大廈地下 今期攝影裝備: Samsung Galaxy Mega 2 註: 本文章純屬個人意見.
