燥底黃@坪洲 香港最後一片淨土, 我話應該係坪洲. 有時候想靜一下, 我會特意坐船到坪洲, 在寧靜的小街走一下, 探下呢度既喵星人. 呢日跟茶餐廳王子午後坐船入去, 主要係想影日落. 由於之前我都係一個人黎, 未上過五指山, 呢次就決定去睇睇. 沿著大街一路行, 見到好多舊式小店. 燥底黃@坪洲 燥底黃@坪洲 呢間文具店, 同我以前細個慈雲山屋邨那種格局係一樣既. 燥底黃@坪洲 去五指山既路上, 只偶然遇到幾個人, 相當之的寧靜. 燥底黃@坪洲 突然, 發現3個可愛的汪星人跟住我. 燥底黃@坪洲 好彩我一向鍾意貓狗, 唔驚. 帶頭既黑狗應該係大哥, 有善良既眼神, 睇得出佢好想接近我, 但又有少少怕人. 我見佢隻腳有少少唔方便, 我估之前佢應該受過傷. 只不過因為係流浪狗, 冇人帶佢睇醫生, 所以冇好番. 可惜我身上冇野食, 所以佢地陪我行左10分鐘, 就冇再跟住我了. 希望之後行山既人, 見到佢地唔好惡意傷害佢地, 因為唔係所有狗都會咬人既. 有D狗會咬人, 都係因為之前受過人類既傷害啫. 繼續行條又長又直(對我黎講)既樓梯, 對唔運動既我, 真係有收買人命既感覺. 燥底黃@坪洲 燥底黃@坪洲 好在, 沿路既風景唔錯, 咁都算係一種補償. 燥底黃@坪洲 終於, 終於....都順利到達了. 燥底黃@坪洲 燥底黃@坪洲 原來呢度可以睇到坪洲既中心同東灣, 風景真係好靚. 燥底黃@坪洲 落山既时候, 仲開始見到日落添. 燥底黃@坪洲 今期攝影裝備:Canon 6D FF 配24-105鏡頭 註: 本文章純屬個人意見.
