之前誘騙樂爺同我去灣仔影相, 食完車仔麵就準備過海回家. 行去巴士站, 見到另一間好出名既麵包店-快樂餅店. 燥底黃@快樂餅店 呢間係一間舊式既餅店, 每次坐車經過, 都會見到好多新鮮出爐既麵包. 燥底黃@快樂餅店 呢種舊式既麵包店已經買少見少了, 見到佢, 有一種好熟悉既感覺. 但啱啱同樂爺食完車仔麵, 已經冇空間即時再食, 惟有買返屋企慢慢享用. 買左雞批同蛋撻各一個, 熱辣辣, 已經聞到好香. 燥底黃@快樂餅店 終於忍到返去, 比我即時K.O.左(死喇, 越黎越大食添...). 蛋撻有好香既蛋味, 如果頭先即場食, 應該會更正. 至於雞批, D料真係多到冇朋友, 佈滿雞肉, 洋蔥同埋火腿. 唉, 再咁食落去, 想唔肥死都難. 知多D:灣仔皇后大道東106號 今期攝影裝備:Canon 6D FF 配 16-35鏡頭 + Samsung Galaxy Mega 2 註: 本文章純屬個人意見.
