今日又帶住樂爺出巡, 返去成長同讀書既地方-慈雲山. 上得慈雲山, 就一定會去小食館. 呢間野, 從我讀書時已經存在, 到今天仍然屹立不倒. 凡係去過小食館既, 都一定會識個老細, 因為佢都次都會坐鎮大本營. 今次去到, 好奇怪唔見佢. 問D阿姐, 先知佢原來近年鍾意照顧孫仔, 朝早出現一陣, 好快就閃. 去到唔見佢, 話時話都有D唔習慣. ********************************************** 黎到第一件事就係要炸老蛋-炸魚蛋是也. 燥底黃@小食館 燥底黃@小食館 老蛋配上店家自製既沙爹辣汁, 一貫的好味. 碗仔翅, 不進不退. 燥底黃@小食館 本來想要翅針(即係碗仔翅併銀針粉), 但係怕太大碗, 最後冇叫. 樂爺叫左雜錦麵, 有豬紅, 蘿蔔同豬皮. 燥底黃@小食館 仲要叫埋牛柏葉同螺肉, 又加左勁多辣汁, 我冇得食. 燥底黃@小食館 食熱氣野, 梗唔少得飲野. 黎杯大涼粉冰, 一次過解決口乾同炎熱, 爽! 燥底黃@小食館 老細真係好懷舊, 除左加價, 裝修就幾十年都冇轉. 燥底黃@小食館 燥底黃@小食館 燥底黃@小食館 燥底黃@小食館 我食住野, 都可以諗番以前做學生D野, 真係好開心. 知多D: 地址:慈雲山毓華里28號地下5-6號舖 今期攝影裝備: Samsung Galaxy Mega 2 註: 本文章純屬個人意見.
