燥底黃@車仔麵之家 灣仔人一定食過既車仔麵-車仔麵之家. 之前樂爺早就帶過我去食, 不過我公司在銅記, 有時活動在中環, 完事後好少會行過去灣仔, 所以就算好想再食, 都要睇下順唔順路. 今日放假, 明正言順以食車仔麵既名義, 誘騙樂爺陪我去影相. 拍照活動首先由街頭藍屋出發, 一直行落黎. 因為有樂爺喺度, 影相既速度唔可以慢. 半小時左右到達終極目的地. 燥底黃@車仔麵之家 午市後既時間仍然有不少人. 舖仔細細, 只能容納最多5人同時面壁立食. 其餘既食友, 你一係就攞走, 一係就怒食街頭, 夏天應該幾攞命. 不過, 好食既野永遠都係咁, 辛苦D先至更好味! 燥底黃@車仔麵之家 樂爺同我都叫左豬紅, 魚蛋, 酸齋, 魷魚, 雞尖. 本來想叫蘿白, 好可惜已經賣晒. 燥底黃@車仔麵之家 燥底黃@車仔麵之家 話時話, 咁多年之後再食, 都仍然保持水準, 真係好好食. 我好鍾意佢既魚蛋, 係一種好似以前細個, 喺街邊食嗰種魚蛋味. 佢最出名既魷魚, D汁真係好正. 而且酸齋, 比齋舖既更好味. 樂爺話, 佢既辣汁, 加埋落碗麵度, 更係完美既組合! 燥底黃@車仔麵之家 美食當前, 所以雖然中午好熱, 樂爺都冇埋怨我迫佢出黎陪我影相. 呢碗麵梗係抵請佢食既! 知多D: 地址:灣仔晏頓街1號A 今期攝影裝備:Canon 6D FF 配 16-35鏡頭 + Samsung Galaxy Mega 2 註: 本文章純屬個人意見.
