今晚樂爺又要開OT... 是日繼續搵茶餐廳王子去影相同食飯. 今日目的地係西環泳棚. 我之前都唔識有呢個地方, 但係UHK有介紹, 雖然我唔係文青, 但都心思思想去睇下. 泳棚既相, 又係一貫要遲少少先上, 我呢, 通常都係美食先行. 本來想試"祥香茶餐廳", 點知影完相, 人地都收左工啦. 繼續遊走, 俾我發現有間舊式粥店"卓記粥店". 基於支持社區小店既概念, 雖然身水身汗, 都入去幫襯下. 茶餐廳王子叫左齋腸粉, 煎蘿白糕, 艇仔粥, 自己一個人搞掂, 真係食量驚人. 燥底黃@卓記粥店 燥底黃@卓記粥店 燥底黃@卓記粥店 佢話煎蘿白糕口感幾特別喎. 我就叫左炸兩, 菜乾豬骨粥. 燥底黃@卓記粥店 燥底黃@卓記粥店 點講呢, 可能係夜晚, 炸物早已收爐, 條油炸鬼好"林", 冇鬆脆既口感, 所以炸兩唔好食. 而菜乾豬骨粥, 只有疏落既菜乾, 如果多D口感會更好. 希望喺支持小店既同時, 小店亦更加努力去回報街坊. 話時話, 我見到佢既營業時間, 係由早上5點至凌晨1點, 時間實在太長了. 店主除了要煲D靚粥俾街坊, 都要注意下身體喎, 太長既工作時間, 始終唔係太好既. 下次再黎影相, 我都會黎幫襯下既! 燥底黃@卓記粥店 燥底黃@卓記粥店 燥底黃@卓記粥店 知多D: 地址:西環卑路乍街54號地下 今期攝影裝備:Canon 6D FF 配 16-35鏡頭 + Samsung Galaxy Mega 2 註: 本文章純屬個人意見.
