嘉道理農場除左有好多靚花靚草之外, 原來仲住左好多唔同種類既動物. 不過成個場太大了, 加上我同樂爺第一次去, 一路行一路影相, 所以仲有好多地方未參觀. 就等我話俾大家知, 今次見到咩動物先~ 我地坐小巴上到山頂, 跟住就沿車路慢行落黎. 車路旁邊, 見到呢個指示牌, 提示駕駛人士要注意附近隨時會有野生動物現身, 唔好撞到它們. 燥底黃@嘉道理農場 只不過, 呢個鹿(應該係)對眼實在太"邪惡"了... 跟住又有塊關於"騾仔"既指示牌, 可惜當日冇遇到. 燥底黃@嘉道理農場 喺山腳, 我地終於見到動物既屋企啦~ 首先有"猛禽之家", 呢度既住客, 都係喺市區受傷, 送嚟治療後不能送回大自然既鳥類. 佢地每個背後都有可憐的故事, 有機會你可以細心閱讀一下籠邊既介紹. 我幫其中兩個小朋友影左相. 燥底黃@嘉道理農場 燥底黃@嘉道理農場 跟住附近聽到好嘈既雞叫聲, 原來有個好大既雞舍. 燥底黃@嘉道理農場 呢度既雞相當有活力, 不斷叫囂, 相信附近既猛禽一定會覺得好煩, 哈哈. 原來佢地只係負責生蛋, 而不是食用, 唔怪得咁囂張啦! 燥底黃@嘉道理農場 呢度仲有豹貓, 佢一直喺暖燈下面enjoy緊, 我望住佢10分鐘, 佢都冇正視過我. 燥底黃@嘉道理農場 至於爬蟲館, 就住左D男仔最鍾意龜, 蛇, 蜥蜴. 但係入面超熱, 我睇左1分鐘就閃人. 燥底黃@嘉道理農場 野豬之家既主人真係好強壯, 如果俾佢撞親, 真係不得了. 燥底黃@嘉道理農場 燥底黃@嘉道理農場 佢仲有幾個朋友, 包括蝙蝠同黃麖(好似係), 不過佢好怕醜. 燥底黃@嘉道理農場 燥底黃@嘉道理農場 豬舍仲住左幾隻大花白豬, 超級超級超級BIG! 不過佢地鍾意玩波多過食野! 燥底黃@嘉道理農場 下次等我地夏天嚟, 睇下咁熱仲會唔會咁活躍先! 想知道嘉道理農場入面有乜野食? 可以睇下呢度(https://blog.ulifestyle.com.hk/blogger/lionfish/?p=2212546). 今期攝影裝備:Canon 6D FF 配 24-105鏡頭 註: 本文章純屬個人意見.
