突然好掛住老廟既煲仔飯, 即係同樂爺出發, 展開年初四尋找煲仔飯的故事. 落到去, 先至俾我地發現, 四季煲仔飯未開, OMG... 冇得食之餘, 連斜對面樂爺喜愛既車仔麵亦都未開, 即係有少失落. 雖然後面條街都仲有好多選擇, 只不過... 算啦, 食唔到佢, 就唯有向老尖方向步行搵食. 行行下, 開始落毛毛雨, 都係搵間茶記解決就算. 呢間茶記門前放左好多個麵包櫃, 跟住仲有個伙記攞住成盤麵包行出黎, 將D熱辣辣既麵包放入去. 嘩, 依家好多茶記D麵包都係外面送嚟既, 咁有heart, 應該都可以試下. 入到去, 人超多, 99%都係男士. 唔緊要, 我有保鏢, 怕什麼, 搵到個卡位, 坐低先. 過年冇附加收費, 先俾個like. 保鏢就食咖哩雞意粉+凍檸茶. 咖哩雞話咁快就到, 只可惜, 意粉係凍既, 保鏢好唔happy...我冇影底. 我例選焗飯(今次食白汁魚)+凍檸茶. 飯都OK幾好味, 而茶呢, 濃得黎又唔係好澀, 合格. 燥底黃@金發餐廳(佐敦) 燥底黃@金發餐廳(佐敦) 由於保鏢唔happy, 無所事事既佢就將注意力放番喺門口麵包度. 因為麵包有勁多選擇, 而且價錢都係非常平. 遊客區, 仲要過年, 麵包都只係幾蚊個, 換轉某間專做遊客生意既, 冇2位數字唔洗諗. 況且味道都OK喎, 一定要支持下小店, 因為佢有heart! 燥底黃@金發餐廳(佐敦) 燥底黃@金發餐廳(佐敦) 燥底黃@金發餐廳(佐敦) 燥底黃@金發餐廳(佐敦) 燥底黃@金發餐廳(佐敦) 最後一提, 門口個阿姐好nice, 值得一讚! 知多D: 地址:佐敦道37號E地下 今期攝影裝備:Samsung Galaxy Mega 2 註: 本文章純屬個人意見.
