今日年初五, 燥底聯同樂爺跟隨U Magazine既介紹-羊咩年行咩路開咩運, 去左山頂玩左個圈. 同U介紹有D唔同, 我地飲完茶再施施然咁去到交易廣場既巴士站, 坐15號上山頂. 巴士全滿, 全車只有少量既港人(一枱麻將咁多), 只有1個外國遊客, 其餘"你懂的". 感覺好似舊年去九寨溝咁, 簡直係放眼不見港人. 不過, 有人會講, 遊客區呀, 是咁的. 年初五你唔返工逗開工利是走去春遊, 抵你既...! ~~~~~~~~~~~~~ 廢話講完, 入番正題先. 經過顛簸既山路, 終於上到山頂. 燥底黃@山頂 燥底黃@山頂 我地行錯左方向, 直接由盧吉道出發. 燥底黃@山頂 人不多("你懂的"遊客主要集中在商場位置), 未有霧氣, 視野清晰. 燥底黃@山頂 仲見到有少量植物既葉, 轉左做紅色. 燥底黃@山頂 沿路慢下, 只有雀鳥聲沒有人聲, 非常舒暢. 行下行下, 好快就到左極具爭議的盧吉道酒店選址. 燥底黃@山頂 有團體放左資料請反對既人簽名, 資料有好多, 中英對照, 真係相當有心. 燥底黃@山頂 其實, 一個咁美好既環境, 如果變成精品酒店, 咪又係只係充斥住某類型既顧客, 蟻民想幫襯人地都唔會招呼啦. 繼續出發, 突然又充滿霧氣, 話, 幾咁有仙境feel~ 燥底黃@山頂 霧氣時有時冇, 轉個頭又唔見晒. 山頂相當潮濕, 圍欄同石櫈都長滿青苔, 有樹上面, 仲長滿菇菇添. 燥底黃@山頂 燥底黃@山頂 唔覺唔覺, 就行左45分鐘. 燥底黃@山頂 終點在望. 燥底黃@山頂 喺呢個時候, 我地發現山邊埋伏左一夥造型搞笑既樹根(非treegun). 拿拿拿...此根不同彼gun, 非人也... 哎, 我既意思係指夥樹...你地唔好亂諗... 燥底黃@山頂 擾攘一輪, 繼續前行. 不遠處, 仲有條小瀑布添. 燥底黃@山頂 行左一小圈, 體力少少下降, 胃空虛指數直線上升, 即去飲杯咖啡食件餅然後落山返家 一加一減後, 卡路里係+/-0. 今期攝影裝備: Canon 6D FF 配 24-105鏡頭. 註:本文章純屬個人意見.
